Asūp rih öre töt insā-av kahëtö meh nöinykö yip kūön meh? Ṙōl nup lōn cha nö in meh, tö sā ngam hanangenlōn meh, nup inlēnö kahëtö meh, tö ngam inlahen meh inrē laklen cha. Mötlö pöri tö u nö ṙòkhöre minë mikah töm kanô-en aṅmat Paipöl minë vamë-eny inlahen Yāvē. (Yôhan 17:3) Pön angū-ö min mikah, ma-asīöp hanangenlōn ngam nyīö tö Yāvē, mahayööken ò min inrē nö köp nö holtö ellōnre nö löklōn ò, pòrô anga-aṅ nöng kunkun.—Mëtiv 21:16.

Pōyen yip inyööngö tö kôtökūö tö inlahen vē nyīö nö yal nö haköp, yĕn hang istori hēk höng nyamtô inrē nö haköp. Lökten in ṙamölōn öi vī ngih līpöre, Haköp Chu Imat Paipöl. Vī-i nun minë töhakööpö imat ngih kun līpöre nö inlööten meh haköptö yip kūön meh. Lumnööṙö yip tölūöi hēk tökūönö samyeūheu ṙēḵti nun minë nyat tö minë töhakööpö inrē i mat e. Ōt minë inrun, holre tö minë inlahen tī meh harun. Hö-ö an ngih līpöre Haköp Chu Imat Paipöl nöng nyamṙô më nyīö, chehetī meh pöri öm haköpten cha. Mahayööken meh an min inrē öm holṙô yip kūönre öm haköp.

Ṙinatu ellōn in tö ngih līpöre nö mahayööken meh min, öm haköptö yip kūönre tö minë ṙôm Paipöl “hētentö nyinī-öṅ” cha.—2 Timòtī 3:14, 15.

Holmaneuk yīö,

Governing Body of Jehovah’s Witnesses