LESÖN 02
Kētö Maheūkkö Hī Ngam Paipöl
Ṙòkhöre in fukkui tö kanihngen, miṙivlōn inrē. Ōt tö lökngöre tö në invah, kapahlöng inrē yip muh tö yip aṅ patī re. Lohten nö ngö lōn, “Hēṙu ön vöh min në kanihngen nö keuheūt?” Ta-a töi ngëichkö ṙô ngam Paipöl nö vë-eny nang hī, hòṅ hī min teūngen tö maheūkköre.
1. Sitih Inlahen öng ngam Paipöl nö kētö maheūṅkkö hī?
Hö-ö an ngam Paipöl nöng vë-eny nang hī tö lāinyngen në kanihngen hī öi ikūö ngih panam, tön vë-eny nang hī tö u min nö kē-ěyö. Mihôiṅ minë kinlēḵngô aṅmat Paipöl nö kētö maheūkkö hī tö nup yamih. (Vë-evkūö Yarimiā 29:11, 12.) Lökten in töngamuh öi mihôiṅ la-al në kanihngen. Maheūṅkku inrē töre min öi örheūheu ṙamölōn.
2. Sitih inlahen nup yamih min ṙētak tö vënyu tö ngam Paipöl?
Kūichi an nö imat ngam Paipöl, ‘nö öt ōtngöre min ngam kinpaha, ötrēhěn min miṙivlōn nö umuh, öt pineūnyu, öt chanöku nö hēkngöre.’ (Vë-evkūö Inmeukhömat 21:4.) Öt hěngtit min nup kanihngen nup tö haṙivlōn tī tö hī töngamuh. Tö sā ngam inyāichö, intölten, invah töm kinpaha inrē. Vënyu nang in töm Paipöl tö ngòh tarik min nö örheūheu nö ṙamlōn yěn hēk min ngih panam nö vī-i nö Peretāīs.
3. Sitih inlahen öi mihôiṅ ṙatö-ellōnre tö minë tö kūichi ṙô ngam Paipöl nö teungtökūö min?
Pōyen yip tarik mameūkkö nup tövai ṙētak, öt ṙatö-ellōnre pöri cha-a tö u yēḵ u min nö teung hēk yěn hö-ö. Ṙātö-ellōnre pöri ayī-ö tö minë kinlēḵngô aṅmat ngam Paipöl tö u nö ṙòkhöre min nö teungtökūö. Lohten öm ngölōn, sitih inlahen öich min ṙatö-ellōnre in në kinlēḵngô? Höng löktö im ‘chumkuöṙen nginëchkö minë ṙô ngam töhet līpöre.’ (Inlahen 17:11) Yēḵ hī min ngatī chumkūöṙen öi kakkö ṙô ngam Paipöl ngaich kôtökūö min ayī-ö tö minë kinlēḵngô ngam Tēv tö u min nö teung hēk yěn hö-ö.
MIKAHTÖKŪÖRE HĒK
Asuh nup kinlēḵngô ngam Tēv inup yamih ṙētak? Sitih inlahen yip rīkre nö teūngen tö hanöhlöre nö löktö in minë kinlēḵngô ò hēk ṙamlōn pôrò nöng īnu tö kanihngen? Ta-a töi mikahtökūöre.
4. Kūichi an nö imat ngam Paipöl tö hī min öi örheūheu-aṅ, öi öt hēngö kanihngen inrē
Ngëichkö minë kinlēḵngô aṅmat ngam Paipöl. Asuh öp ööilōn meh öm in u? Ngaich kūöyòh?
Vë-evkūö minë miröökö minë tökētu nö ikūö minë kinlēḵngô. Ngaich kakkö minë intöönö yamih:
-
Ngönlöre öm, öm löktö in minë tökētu miröökö vahë-ekūö meh? Maheūkku yip aṅ ngam mikūönö meh hēk yip hol meh inrē nö lökten in u? Sitih lōn öm?
Nyat öp panam yěn
|
ÖT HĔNGTAK MIN . . . |
ṘÒKHÖRE MIN . . . |
|---|---|
|
|
|
|
|
|
|
|
|
|
5. Mihôiṅ in ṙamlōn töm mineūka aṅmat Paipöl
Pōyen tarik tö haṙivlōn nö meuk në intölten hēk kanihngen inrē. Ōt tö tainy nö meūkö u, ngaich ōtre yip tö hòṅ kēngen u. Hē cha pöri ngaich nö akahalōn tö ngam Tēv nöng anga-aṅ tö mihôiṅ nö kēngen u ngaich teūngen cha-a tö hanöhlöre. Röngnyöm VITIŌ, ngaich kakkö minë intöönö yamih.
-
Asuh ök kanihngen Rafikā?
-
Pôrò anga-aṅ nö ötkô nö kēngen ngam intölten, asuh pöri öp yanöölen ò nö löknyö mat ngam Paipöl?
Yěi akahakūö min tö minë kinlēḵngô ngam Tēv ngaich mihôiṅ min öi la-al nup kanihngenre, möi min inrē inup kanihngen. Vë-evkūö Inchōḵ-oṙô 17:22 töm Rōma 12:12, ngaich kakkö minë intöönö yamih:
-
Sitih mufē öm pò meh akahakūö tö minë kinlēḵngô ngam Tēv? Sitih inlahen ngaich töngamuh yěm meuk në kanihngen?
ṘÔ YIP TAHËNG: “Kuchik elnang in hang minë tövënyu, hö-ö pöri anū-ö tö lōn chu min nö tö teung.”
-
Sitih lōn öm më-eṅ, söö öi tölōn meh yěi mikahtökūöre tö u?
MINË HAKÖP HĪ NGAICH
Kilēḵngôre ngam Paipöl tö nup yamih min ṙētak nö vai. Lökten in e ayī-ö teūngen tö maheūṅkkö re ane inrē ṙamölōn pòrô hē el kanihngen.
Sitih ṙô öm më-eṅ?
-
Kūö yòh ang ngòh tarik nö hòṅ īnu töm mineūka?
-
Sitih ṙô öng ngam Paipöl nö vë-eny inlahen nup yamih min ṙētak?
-
Sitih inlahen yanöölen öm töngamuh pöm īnu töm mineūka?
NGËICHKÖ NË INRĒ
Yĕi īnu min tönup tövai maheūkköre, anū-ö min kamëtö kumlēḵ hī öi la-al nup kanihngenre. Mikahtökūöre kò-òren.
Sitih inlahen ön minë kinlēḵngô ngam Tēv nö kētö hanöhlö yip tö marô-òtö kūö nö inup invahre?
“Yip Tö Īnu Tö Invah Töt Lanë-enṙen—Mihôiṅ Hòng Ngam Paipöl Nö Hayööken Cha?”(El vepsāit töhakööpö)
Kò-òren ngëichkö ngih vitiō tinköökö, ngaich asehkūöre tö inlahen re min öm ṙamölōn tö yip aṅ patī meh, yěn hēk min ngih panam nö vai.
Vë-ekūö inlahen ngam tarik ngam kamhòklö kui holre sin tö nup kanihngen cha. Unôichrit ò pöri nö akahakūö tö minë kinlēḵngô ngam Tēv ngaich haṙī-ingre ngam tinrīken ò.
“Akahakūö Chin Ngaich töre Ötkô Öich Chu-ö Mahalööktit Ngih Panam” (Chūökamahati-HI, Ātiköl)
