Lōnu Yāvē tö meh öm mikahtökūöre tö ò. Kūö yòh? Sā ṙôken mikahkūö meh min tö minë tinrīken ò, minë talöökö ò, chö-öny ò inrē, ngatī ṙôken min öp kuilōn meh hòṅ hōlu tö ò. Kô-en öm mihôiṅ hol ngam Tēv? (Vë-evkūö Yāköp 2:23.) Sitih inlahen öm min yěm hòṅ hol ngam Tēv? Vënyu nang in tö ngam Paipöl töm innôlö Yāvē min tö meh nö töt insa-av tö nup töng aṅ in meh.

1. Asuh öp invëtö hī tö Yāvē?

“Ṙūöhtöre im Tēv, ngaich ṙūöhtöre min anga-aṅ nö in meh.” (Yāköp 4:8) Tö sitih manah öng? Havëtu man tö Yāvē hòṅ meh öm hanôlan. Ōt pöri tö kihngen elmat nö hanôlan pön öt meūkan. Löknyö mat ngam Paipöl ṙô ang Yāvē nö hameuknyö minë tinrīkenre hòṅ hī kahanglōnre ṙūöhtöre öi in ò. Yēḵ hī min kahngenre öi vë-ekūö mat ngam Paipöl ngaich ngönlöre min ngam innôlö hī öi in Yāvē pòrô öi öt hěng heuh mat öi meūkan.

2. Kūö yòh ang Yāvē nö töt insa-av nö hol meh?

Öt hěngtak tö sā ṙôken hanangenlōn Yāvē tö meh. Lōnu an tö meh örheūheu ṙamlōn hēk vë-eny nang ò tö nup töng kanihngenre. Mihôiṅ öm: “Pehtö nup taṙòkhöre pinṙūtölōnre, in Ò; tön Anga-aṅ an töchumkūöṙen.” (1 Pītör 5:7) Örheūheu Yāvē nöng hööngöre nö holṙen meh, kētö hanöhlö hēk hang ṙô yip holre inrē.​—Vë-evkūö Salmai 94:18, 19.

3. Asūp maheūkkö Yāvē nö in yip hol ò?

Hangenlōn Yāvē tö taṙòkhöre tarik, ‘höng hanôl yip tö chiplö hēk tökô-en pöri anga-aṅ tarik.’ (Inchōḵ-oṙô 3:​32) Meūka Yāvē tö yip holre nö la-evṙen tö nup tölöng nö i mat ò, ṙūöhöngre pöri tö nup tövaich. Ngö ṙô pöri yip rīkre, tö cha nö kihngen nö kēkö kaha minë chööngö Yāvē. Mihôiṅ pöri öi köplōn tö Yāvē nö tö aṙē-ěvlōn. Hō-en cha anga-aṅ nö ṙòkhöre yip tökô-en hanangenlōn tö ò hamang nup töng chööngö ò inrē.​—Salmai 147:11; Inlahen 10:34, 35.

 MIKAHTÖKŪÖRE HĒK

4. Hol Yāvē ök misī Aprahām

Vënyu nang in töm Paipöl, tö inlahen Aprahām (ngam Aprām inrē tö ṙô) nö tövai nö inchō elmat yip tö hòṅ hol ngam Tēv. Vë-evkūö ngam inlahen Aprahām im Ranehlö 12:​1-4. Ngaich kakkö minë intöönö yamih:

• Asuh ök tinöölö ṙô Aprahām tö Yāvē?

• Asuh nuk kinlēḵngô Yāvē nö in ò?

• Sitih inlahen ök Aprahām hē Yāvē nö vë-ekūö ò?

5. Asuh nup lōn Yāvē nö in yip hol ò

Chöngṙen in ṙung maheūkkuvö öi in yip holre.

• Asuh öp ṙung maheūkkö meh öm in öp holre?

Vë-evkūö 1 Yôhan 5:3, ngaich kakkö ngih intöönö yamih:

• Asuh öp maheūkkö Yāvē nö in yip hol ò?

Yēḵ hī hòṅ hang nup chööngö Yāvē, ngaich lohten ayī-ö hòṅ halööktit nup mufēre hēk nup tövaich tinrīkenre inrē. Vë-evkūö Isayā 48:17, 18, ngaich kakkö ngih intöönö yamih:

• Kūö yòh ang Yāvē nö tölṙô yip holre nö halööktit nup mufē re hēk halööktit nup tinrīken re inrē?

 6. Sitih inlahen ang Yāvē nö hayööken yip holre

 MINË HAKÖP HĪ NGAICH

Lōnu Yāvē töre nö hol meh, ngaich hayööken meh min anga-aṅ inrē öm ṙūöhtöre öm in ò.

Sitih ṙô öm më-eṅ?

• Sitih inlahen ang Yāvē nö hayööken yip holre?

• Kūö yòh ang Yāvē nö halēn yip holre nö halööktit nup tinrīkenre?

• Yaha ṙôken havëka ang ngam Tēv Yāvē nö in yip holre tö nup kuilōn re? Kūö yòh öm ngatī mufē?