LESÖN 06
Höng Kahngenre ön në Taṙòkhöre nö Vīlöre, Ōt Ṙöng öp Vamīlen u?
Vënyu ngam Tēv töm Paipöl nö vamī-il taṙòkhöre, ngòh tarik, töṙeūla hēk në chōn inrē. (Inmeukhömat 4:11) Ngö ṙô pöri yip rīkre tö u nöng kamnahngenre. Ngatī mufē öm më-eṅ? Yěn höng kamnahngenre në taṙòkhöre ngaich töng öt chöönyu ayī-ö öi vīlöngö. Yěi chöönyu pöri öi vīlöng tö Yāvē, ngaich sön nö ōt öp kuilōn ò hēk chö-öny ò nö vīlen hī. a Töi mikahtökūöre tö ṙô ngam Paipöl nö vë-eny inlahen vinīlö në taṙòkhöre aṅkūö ngih panam. Ngaich kūö yòh öi mihôiṅ ṙatö-ellōnre tö minë ṙô ngam Paipöl?
1. Löktö yih öng ngam halīöngö töm tumlat?
Vënyu töm Paipöl nö: “Vīlö ngam halīöngö ngam Tēv tumlat inrē, ik raneh.” (Ranehlö 1:1) Vënyu inrē tö yip saëntist ngam halīöngö tö ngih panam nö tö ranehlu. Sitih inlahen tī ngam Tēv nö vīlen u? Löktö im tökiröng kumlēḵ re ngam ‘töhet kumlēḵ’ ò. Löktö in e anga-aṅ nö vīlö ngam halīöngö, tumlat, chingëṅt, minë taneūsömat, tö në taṙòkhöre inrē aṅkūö ngih panam.—Ranehlö 1:2.
2. Kūö yòh ang ngam Tēv nö vīlö ngih panam?
Yāvē an mamul ngih tumlat “vī-i an tö ò nö öt payāyaṙen, mūlö e an nö chūök elyööngö.” (Isayā 45:18) Anga-aṅ vamīlö ngih panam nö chūök ngòh tarik nö kuchīken nö iyöng, nö rö-ö nöng rahëichtaṙen pön höng örheūheu. (Vë-evkūö Inlahen 17:24, 25.) Ngatī ṙô inrē yip saëntist nö vënyö ngih panam nö töt insa-av nö chūök elyööngö tarik.
3. Asuh öp inrīkngöre ngòh tarik tö në töṙeūla?
Vīlö minë kun chōn, tö minë töṙeūla ang Yāvē, unôichrit ò nö vī ngih panam. Unôich anga-aṅ hēk nö vī ngòh tarik, nö harīkngöre tö në töṙeūla. Nö sitih inlahen? ‘Vī ngam tarik ngam Tēv nö tö sā ò.’ (Vë-evkūö Ranehlö 1:27.) Tö ngö manah, tö minë tinrīken ngam Tēv nö chaphötvö tö ò nö in hī. Lökten öi mihôiṅ hangenlōn tö höö, akahakūö tö tölöng, tö vaich inrē. Mihôiṅ öi haköp minë ëlô, meuk në tövai aṅkūö ngih panam hēk hang tövai tinköökö inrē. Mihôiṅ öi ha-öny ngam Tēv, ngam töt kinë-ekūö në töṙeūla.
MIKAHTÖKŪÖRE HĒK
Kūö yòh öi mihôiṅ ṙatö-ellōnre tö ṙô ngam Paipöl tö në taṙòkhöre aṅkūö ngih panam nö tö vīlöng? Minë tinrīken ngòh tarik, sitih inlahen anū-ö nö haköpten hī tö inlahen ngam Tēv? Ta-a töi mikahtökūöre.
4. Tövīlöng nun në taṙòkhöre
Yēḵ tarik ṙung nö vī nup vahīre nöng asīnkö vanāyö në aṅkūö ngih panam, eū-eu cha-a tö yip tarik. Ngaich yòh öp ineū-eu ngam tökô-en vamī-il në taṙòkhöre aṅkūö ngih panam? Röngnyöm Vitiō, ngaich kakkö ngih intöönö yamih.
-
Asuh nup aṅkūö ngih panam töng asīnka vinī-i tö tarik?
Ṙòkhöre nun në patī nö tö vī-i hēk mānlöng töp tö hěngtak. Ngaich achīö öp vamī-il në taṙòkhöre aṅkūö ngih panam? Vë-evkūö Heprāi 3:4, ngaich kakkö minë Intöönö yamih:
-
Asuh nup tö vīlöng aṅkūö ngih panam pinngangkūö meh?
-
Ṙatö-ellōnre öm tö në taṙòkhöre chehen el halīöngö hēk ing panam nö tö vamīlu? Kūö yòh?
Kuchik ṙô min yěm haköp hēk meuk minë vitiō?
Öm el ngam jw.org “Tövīlöng Ön Në?” hēk “Ngam Mufē Cha Töm Lökngörit ngam Nômö.”
“Pòn kö hĕng tak mamānlö në patī töp yô-òv; ngam Tēv pöri vamī-iṅl në taṙòkhöre”
5. Mihôiṅ in ṙatö-ellōnre tö minë ṙô ngam Paipöl inlahen në tö vīlöng
Vënyu inlahen ranehlö ngih panam tö në tö aṅ chehen ikūö e tö ngam Ranehlö 1 mirūlö. Ṙatö-ellōnre öm tö u nö tö vīlöng höng istōri ṙöng? Röngnyöm VITIŌ, ngaich kakkö minë intöönö yamih.
-
Vë-eny nang hī öng ngam Paipöl tö ngih panam nöng tafūöl sumkam rò-òten vinīlö, ngam sakamö tö 24 kanta ṙung i tö hěng sumkam?
-
Ngam inlahen ṙô ngam Paipöl nö vë-eny inlahen ranehlö ngih panam, kūö yòh öi mihôiṅ ṙatö-ellōnre tö e nö löng? Kūö yòh öm ngatī ṙô?
Vë-evkūö Ranehlö 1:1, ngaich kakkö ngih Intöönö yamih:
-
Ranehlu an ngam halīöngö töng tumlat tö ṙô yip saëntist. Sitih inlahen angū-ö nö löngta nö im vahë-ekūö meh aṅmat Paipöl?
Rīkre tarik tö ngö lōn töm Tēv nö urěh nö vīlö ök tö hěng tö aṅ, ngaich unôichngöre nö löknyö in e nö vī-ilre minë kāḵ, në tö-aṅ chehen hēk tarik inrē nöng kahngenre. Vë-evkūö Ranehlö 1:21, 25, 27, ngaich kakkö minë intöönö yamih:
-
Ngatī ṙô öng ngam Paipöl nö haköpten hī tö në taṙòkhöre aṅkūö ngih panam nö töng kamnahngenre? Vī minë kun chōn ṙöng anga-aṅ nö harīkngöre vinī-i tö minë “tö-aṅ töṙeūla?”
6. Harīkngöre ngòh tarik tö në tö vīlöng nö ṙòkhöre
Harīkngöre vinī-i ngòh tarik tö Yāvē, tö minë töṙeūla. Vë-evkūö Ranehlö 1:26, ngaich kakkö ngih intöönö yamih:
-
Vī-i in tö ngam Tēv öi tö sā ò, lökten öi mihôiṅ hangenlōn tö holre hēk lökngöre tö kanihngen cha. Tö sitih inlahen ngam Tēv tö lōn meh?
ṘÔ YIP TAHËNG: “Öt tö kô-en nun minë ṙô aṅmat ngam Paipöl inlahen në tö vīlöng aṅkūö ngih panam.”
-
Sitih lōn öm? Ngaich kūö yòh öm ngatī lōn?
MINË HAKÖP HĪ NGAICH
Vīlö ngam halīöngö, tumlat inrē ang Yāvē tö në taṙòkhöre tö-aṅ chehen.
Sitih ṙô öm më-eṅ?
-
Sitih ṙô öng ngam Paipöl tö inlahen ranehlö vinīlö ngam halīöngö töng tumlat inrē?
-
Höng kamnahngenre ön në taṙòkhöre chehen tö aṅ nö vī-ilre ōt ṙöng öp vamīlen u?
-
Sitih inlahen ang ngòh tarik nö harīkngöre vinī-i tö në taṙòkhöre?
NGËICHKÖ NË INRĒ
Asūp haköp hī yěi ngëichkö minë pinnangkūö chehen tö vīlöng aṅkūö ngih panam.
“Asūp Inköptö Hī Töm El Kahôiṙen?” (Hinörē!-HI, Òktopör-Tisempör 2006)
Ngëichköm inyööngö kikōnyö, mikahtö elnang ngam kūönre tö ṙôm Paipöl nö vë-eny inlahen vinīlö në taṙòkhöre.
Rīkre tarik tö ngö ṙô töm Tēv nö löktö im (Ivōlusön) nö vīlen në taṙòkhöre. Ngatī ṙô öng ngam Paipöl?
Ngëichkö minë chahöhnyö më saëntist inlahen minë tangëtit, yēḵ u nö vënyen në taṙòkhöre nö tö vīlöng hēk töng kamnahngenre.
Ranehlö Ngam Nômö—Taneui Intöönö Mikahtökūöre Tö Sanapṙô? (kun līpöre)
