Yip mahanôltö ṙanamlōnre nö in hī yěi ṙamlōn, hēk kihngen yěn meuk nup kanihngen hī ngaich hayööken hī, cha-a yip tökô-en hol tö ṙô hī. Fēlen hī pöri ngam Paipöl, tö yip tarik nö öt ṙòkhöre nö tö akaha nö hol. Sitih inlahen öm min öm katöllö holre tö tö akaha? Angū-ö min ngih intöönö tö ngëichka sanapṙô tö hī.

1. Asuh öp kò-òren min lanökngöre meh tö tī yip hol meh yip katöllö meh?

Mihôiṅ in lökngöre tö tī yip holre yip tö örheūheu nö hanôlö tö hī öi kô-en inlahen hēk höng el online inrē öi meukkūö cha. Vai nö kò-òren min nup ṙòng ngam inlahen hī öi hanôlö cha hēk mihôiṅ min nö ötlöng inrē. Ngö ṙô an ngam Paipöl, “Akaha ön ngòh kumröönngöre nö hol röön tö akaha tarik, palā-aiṙen pöri min ngòh hamòl tö kulō-ovö [yip tarik töt hangenlōn tö Yāvē].” (Inchōḵ-oṙô 13:20) Yěn tökô-en hanangenlōn yip hol meh tö Yāvē maha-öinyö ò inrē, ngaich hayööken meh min cha-a öm röhta öm in Yāvē, hayööken meh inrē min cha-a öm lööngö katöllö tö talöökö re. Yēḵ meh pöri min öm yahlö inlahen hanôl yip töt hangenlōn tö Yāvē, ngaich ṙūöhngen meh min cha-a tö ò. Lökten an ngam Paipöl nö tölṙô hī öi akaha, yēḵ hī öi vī holre. Yēḵ yip hol hī nö tö hangenlōn tö Yāvē, yöölen min ayī-ö, cha-a inrē. Kūö hī min öi ‘kö hangëken höö, hareuskö alaha höö inrē.’​—1 Tösalònikē 5:​11.

2. Sitih inlahen mufē ang min Yāvē tö yip katöllö meh nö hol meh?

Tö chumkūöṙen ang Yāvē yěn vī holre. ‘Pò ò nö öt hanôl yip tötlöök tarik, höng hanôl yip töchiplö pöri.’ (Inchōḵ-oṙô 3:​32) Asehkūöre man tö mufē Yāvē yēḵ hī öi hanôl yip tarik töt hangenlōn tö ò, sitih mufē ang min tö lōn meh? Haṙivlōn takô anga-aṅ! (Vë-evkūö Yāköp 4:4.) Yēḵ hī pöri öi ṙūöhöngre tö yip tötlöök hol, ngaich hanôl yip tö hangenlōn tö Yāvē, ṙamlōn min anga-aṅ, ngaich kaheukten hī min öi hol ò.​—Salmai 15:​1-4.

 MIKAHTÖKŪÖRE HĒK

4. Mihôiṅ yip tarik nö tövai nö hol hī pòrô nö öt sāḵta tinrīken nö in hī

Hang inlahen nak tö nët tak in tarik aṅ Israel nā Tāvit nā Yônatan, nak tö vënyu inlahen tö ngam Paipöl. Hö-ö nak nö hěngren ṙēḵti öt hěngren inruklö inrē, sön cha-a nö tökô-en nö holre, hō cha-a nö kēngö nômö re tö kūö ngam hanangenlōnre tö höö. Vë-evkūö 1 Samuěl 18:1, ngaich kakkö ngih intöönö yamih:

• Höng yěn tö hēngö ṙēḵti hēk tö hěngren inruklö nap tarik, möl hòng min cha-a mihôiṅ nö holre? Kūö yòh öm ngatī ṙô?

Vë-evkūö Rōma 1:​11, 12, ngaich kakkö ngih intöönö yamih:

• Yěn tö hangenlōn nyöre nap tarik tö Yāvē, sitih inlahen nap min nö kö hareuskö alaha höö?

Ngëichkö inlahen ngam ṙāl tarik tö hameuknyu nö el ngam vitiō nö sitih inlahen nö teūngen tö ngam tö akaha holre. Öt afēku sin anga-aṅ tö ngam tarik nö tö ngatī mikah min nö hol ò. Röngnyöm VITIŌ, ngaich kakkö minë intöönö yamih.

• Kūö yòh nak yöng Akil nö kalē-ě pinṙūtö lōn tö inlahen ò nö hanôl yik holre aṅ el iskul?

• Kūö yòh ök sin Akil nö kuchīken nö hanôl yik holre hē ò nö rěhtenre nö hanôlö cha?

• Sitih inlahen ngaich anga-aṅ nö teūngen tö tö akaha holre?

 5. Sitih inlahen öi vī holre tö tö akahaṙa?

 MINË HAKÖP HĪ NGAICH

Yēḵ hī min öi holtö mikahre öi katöllö holre, ṙamlōn min ang Yāvē, yöölen min inrē ayī-ö.

Sitih ṙô öm më-eṅ?

• Kūö yòh ang Yāvē nö lökngöre tö tinrīken yip tarik tö hanôlö tö hī?

• Achīö yip tarik tötkô nö hanôlö tö hī?

• Sitih inlahen öi min öi hangönlö ngam innôlö re öi in yip tarik tö hangenlōn tö Yāvē?