LESÖN 60
Hangön Ngam Innôlöre Man In Yāvē
Ngaich man pōyen haköp tö inlahen Yāvē öm ṙa-ang mat ngam Paipöl. Löktö in u ngaich ngam hanangenlōn meh tö Yāvē nö sīöplöre. Pī-a ngaich lohten öm vë-eny ngam kuilōn re öm in ò, ngaich kē ngam vinôkö. Yěm öl pöri, lohten öm kūyulōn töre ip yamih min ṙētak öm kē ngam vinôkö. Höng ranehlö röön meh an angū-ö öm löklōn Yāvē, höng hòṅ iṙūöhen pöri më-eṅ öm hangönlö ngam innôlöre öm in ò. Mihôiṅ öm höng örheūheu öm ngatī inlahen. Sitih inlahen öm min? Ta-a töi mikahtökūöre?
1. Kūö yòh öng ngam innôlö meh in Yāvē nö hòṅ hangönka nöng örheūheu?
Hanôlö Yāvē man, höng angū-ö kuilōn meh tö meh öm hòṅ hangönlö ngam innôlöre öm in Yāvē. Kūö yòh? ‘hòṅ meh öt amahaiṙen hëmngö ṙā-ang in ò.’ (Heprāi 2:1) Hòṅ sitih inlahen öm min hòṅ meh keuheūttö ellōn re öm löklōn Yāvē? Mihôiṅ öm örheūheu ahangkö ngam tölöök inhānga, afēkö nup tö öltöre la-en kahëken meh im linöklōn Yāvē. (Vë-evkūö Filipī 3:16.) Öp yòh öp tö mötlö tö ngam inlahen meh höng örheūheu öm kētöre im linöklōn Yāvē!—Salmai 84:10.
2. Hòṅ sitih inlahen öm hēk yěm hòṅ hangönlö ngam innôlöre öm in Yāvē?
Kô-en in ngaich min öi keuheūt ṙô öi haköpmat ngih līpöre, höng ranehlö röön meh pöri angū-ö öm haköp inlahen Yāvē. Höng hòṅ iṙūöhen më-eṅ öm haköp inlahen nup tinrīken ò, öm havailö ngam tinrīkenre. Ngö ṙô an ngam Paipöl: “tö ngòh tarik nö hòṅ kēḵ ngam tufömngöre tarik [tinrīken].” (Efisös 4:23, 24) Sā inlahen meh ngaich öm haköp mat ngam Paipöl, yihtökūö öm el minë mīting, ngaich tuföm tufömngöre minë haköp meh inlahen Yāvē, ngaich ṙūöhölre ṙôken mikahkūö më-eṅ tö minë tinrīken ò. Kalahten re man öm asīnkö minë tinrīken ò, ngaich asīöpö u öm in ngam tinrīkenre. Yěn öltöre ngam tinrīken meh nö sā lōn Yāvē ngaich halööktit re më-eṅ, hòṅ ò min nö ṙamlōn nö in meh.
3. Sitih inlahen ang min Yāvē nö hayööken hī höng iṙūöhen öi löklōn ò?
Ngö ṙô an ngam Paipöl: ‘Ngam Tēv an min mahateungten [maharūnö] yīö haköpö yīö, hangëken yīö inrē’ öi sökhaka. (1 Pītör 5:10) Ṙòkhöre in öi kö īnu tö nup kinlaha, pöi hōtu öi kēken nup tötlöng la-en, höng Yāvē pöri tökô nö hayööken hī yēḵ hī hòṅ mihôiṅ tö nup kinlaha re. (Salmai 139:23, 24) Yēḵ hī min öi lōnu töre öi löklōn ò ngaich anga-aṅ min töla-evṙen nö chaphöt e nö ellōn hī, kilēḵngôre inrē anga-aṅ nö kētö kumlēk hī.—Vë-evkūö Filipī 2:13.
MIKAHTÖKŪÖRE HĒK
Sitih inlahen öng min ngam innôlö meh in Yāvē nö ngönlöre? Asuh nup min inkôlò meh kahëtö Yāvē? Töi mikahtökūöre.
4. Vë-ekūö ngam Holre man örheūheu hang ṙô ò inrē
Vinë-ekūötēv tö ngam inkööpö mat Paipöl, anū-ö nun në tö tī-ivö tö meh öm hanôlö Yāvē. Sitih inlahen min anū-ö nö hayööken meh öm haröhtöre öm in ò?
Vë-evkūö Salmai 62:8, ngaich kakkö ngih intöönö yamih:
-
Yěm hòṅ hangönlö ngam innôlöre öm in Yāvē, sitih inlahen öng ngam vinë-ekūötēv nö ngönlöre tī min tö e?
Vë-evkūö Salmai 1:2, ngaich kakkö ngih intöönö yamih:
-
Öp yòh öp tövai inlahen meh öm haköp mat ngam Paipöl hòṅ ngam innôlö meh nö ngönlöre nö in Yāvē?
Sitih inlahen öm yěm hòṅ yöölen öm löktö in ngam pörsönöl istötī? Yěm hòṅ mikahtökūöre ngaich, röngnyöm VITIŌ, ngaich kakkö në intöönö yamih.
-
Asuh nup inlēnö tö kalahtuṙen min tö meh in minë tö hameuknyu el ngam vitiō?
-
Asuh nup ṙô tö aṙū-uti manah aṅmat ngam Paipöl tö hòṅ hakööpö tö meh?
5. Chöönyu man im linöklōn ngam Tēv
Yēḵ hī chöönyu im linöklōn Yāvē ngaich mihôiṅ öi hanôlan, hangönlö ngam innôlöre inrē öi in ò. Röngnyöm VITIŌ, ngaich kakkö ngih intöönö yamih.
-
Asuh ök yanöölen sistör Kemrön pön chöönyu nö im linöklōn ngam Tēv?
Ötkô in ṙòkhöre öi chuh tahëng panam öi ahangkö ngam tölöök inhānga, mihôiṅ pöri öi ngëichkö nup minhôiyöre la-en ngaich kētöre öi in u. Vë-evkūö Inchōḵ-oṙô 21:5, ngaich vī nup chö-önyre kò-òren la-en . . .
-
el ngam māṅ?
-
im inhangkö ngam tölöök inhānga.
Sitih inlahen öng ngam lökngörit chööngö in ngam miröökö nö hayööken meh öm teung inup chö-önyre?
Minë tahëng chö-öny
-
Havailö inlahen ṙôre man yěm vë-ekūötēv.
-
Keuheūtngen ngam Paipöl vë-ekūö e.
-
Mikahtökūöre tö më hol maneukre el ngam māṅ.
-
Mihôiṅ öm rultenre kēḵ istötī.
-
Mihôiṅ öm kētöre öm òksilörī painīör hēk rekulör painīör.
-
Yēḵ meh öm prötör ngaich mihôiṅ öm kētöre in minë la-en mahayööken töla-evṙen.
6. Mihôiṅ man örheūheu ṙamlōn!
Vë-evkūö Salmai 22:26, ngaich kakkö ngih intöönö yamih:
-
Hòṅ sitih inlahen öm hòṅ meh töngamuh hēk höng örheūheu öm ṙamölōn?
MINË HAKÖP HĪ NGAICH
Hanôlö Yāvē, ngaich hangönlö ngam innôlö re öm in ò, vī nup töpōyen chö-önyre öm löklōn ò. Ngaich mihôiṅ töngamuh hēk höng örheūheu min öm ṙamlōn!
Sitih ṙô öm më-eṅ?
-
Kūö yòh öm ṙatö-ellōnre tö Yāvē nö hayööken meh min öm köp im linöklōn ò?
-
Sitih inlahen öm min hangönlö ngam innôlöre öm in Yāvē?
-
Sitih inlahen öng min ngam innôlö meh hēk nö ngön ngönlöre yěm chöönyu im linöklōn Yāvē?
NGËICHKÖ NË INRĒ
Asuh öp tö mötlö nö imat Yāvē inlahen hī, yěi höng hěng heuh hameuktöre kirööngen ṙinātö-ellōn öi in ò, töm inlahen hī kaheuk sakāmö, kaheuk ṙētak öi köp ṙatö-ellōnre öi in ò?
Kūöṅnngöre ṙanamlōn yin mihôiṅ vē tököp nö im linöklōn Yāvē. Sitih inlahen öng nö havan ngam ṙanamlōn ngam töhěng tak Kristīön nö im linöklōn ngam Tēv, töi mikahtökūöre.
Asuh nup kò-òren chö-öny meh öm löklōn ngam Tēv hēk hòṅ sitih inlahen yěm hòṅ sölta öm in u?
“Ha-öny Ngam Vamīlen Meh Löktö In Minë Chö-önyre” (Chūökamahati-HI, Chulāi 15, 2004)
Kūö yòh ang ngòh Kristīön nö hòṅ iṙūhöröön nö im tölngö sanīöpö, sitih inlahen öm min më-eṅ sölta in e?
“Iṙūöhöröön Im Tölngö Sanīöpö—‘Röhta An Ngam Sakāmö Yāvē Nö Ngaich’” (Chūökamahati-HI, Mē 15, 2009)
