Sitih inlahen öm yěm hòṅ yöölen löktö in ngih inkööpö Paipöl
Urěh vë-ekūö ngih pěch tö ngam tahëng, ngaich möl röngnyöm VITIŌ.
RANEH PĀT
Vë-ekūö ngam raneh pāt yěm hòṅ halēn minë lesön nö ṙòkhöre. Töchilölö kinūchö intöönö (A) minë aṅmat ngam töhet līpöre (B) minë mumkahtö elnang hī tö minë töhakööpö. Yěn “vë-evkūö kinūichö ngaich um öt vë-ekūö minë miröökö.
LAMĀṘAT PĀT
Ngam ranehnyô (C) vënyu ṙô nö in ngam Mikahtökūöre Hēk minë yamih tökūönö kui töhakööpö (D) kamngö chūök kinakkö minë töhakööpö.
Löktö in minë VITIŌ hēk ÔTIŌ RIKÒTING man min yöölen, akah elnang tö minë haköpre el minë lesön. Ōt minë vitiō tökô-en inmeuknyi, ngaich ōt minë töng vī-i, sön pöri min öm haköplu öm löktö in u.
Holṙô re töp mahaköpten meh an vë-ekūö ngam töhet līpöre, kētö sanapṙô minë intöönö, hēk meuk minë vitiō, ngëichkö minë ṙô vamë-eny inlahen minë nyat (E), ngaich afītöre tö ṙô re öm kētö sanapṙô nup Ṙô Yip Tahëng (F).
MANA-AṄ PĀT
Minë Haköp Hī Ngaich hēk Sitih Ṙô Öm Më-eṅ (G) keuheūt ngam lesön. Kūichngöm date yěn keuheūt ngam lesön. Chö-öny (H) tökētu La-en meh. Ngëichkö Në Inrē (I) tökô-òren inrē nö vë-evkūö hēk meūkö minkahtölōn meh.
Sitih inlahen öm chöh minë miröökö aṅmat Paipöl
Hamūlö ngam Paipöl nö ṙòkhöre nö 66 ṙôken. Nët nun minë seksön e: ngam ṙô Heprai Aramik (“Hötṙeh Kinlēḵngô”), ngam ṙô Krik (“Tufömngöre Kinlēḵngô”).
Yěn hameuknyu minë miröökö nö imat ngih līpöre, urěhnyi ngam minë-eny ngam Paipöl (A), unôichrit e ngam mirūlö (B), möl ngam miröökö (C).
Sā ngam, Yôhan 17:3 im līpöre Yôhan, 17 mirūlö, 3 miröökö.
