YĒḴ MEH HAKÖPHÖTI
LESÖN 10
Ma-ainyre
Lökngörit Chööngö: “Ngatī ihö ṙāmölōn kē-ĕkūö yīö, öt höng ngam tölöök inhangkö ngam Tēv, tön në nômö ih inrē, pò yīö ngaich hanghuṙen tö ih, öi aheuk hòṅ īnu tö yīö.”—1 Tös. 2:8.
Sitih Inlahen Ök Yēsū
1. Meuk ngam VITIŌ, hönglöö vë-evkūö ngam Yôhan 3:1, 2. Ngaich fēkö në intöönö:
-
a. Kūöyòh ök vöh Nikòtimös nö ik hatööm nö chuh in Yēsū?—Ngëichköm Yôhan 12:42, 43.
-
b. Hōḵ inrē ang Yēsū nö meukkūö ò ik hatööm. Sitih mikahlōn ayī-ö öi löktö in e tö Yēsū nö keuheūttö ellōnre yěn haköphöti?
Asuh Öp Haköplö Hī In Yēsū?
2. Yē hī min öi hāngenlōn tö yip tarik, ngaich ma-ainyre min ayī-ö öi haköpten cha öi holtö ellōn re.
Sitih Inlahen Öi Min Asīnken Yēsū
3. Ngëichkö öp kamngö hēk ṙētak lōn öp tö kē-ě istötī. Hatön ngam mahaköp töp sakāmö hēk ṙētak ò inrē nö hòṅ kē-ě istötī im töhěng afta. Hēk isuh chūök lōn anga-aṅ töre nö kē-ě istötī? I chūök ò hòng nö kamān, i patī ò ṙöng hēk tahëngö chūök inrē? Hòṅ chumkūöṙen ayī-ö tö ööilōn öp tö kē-ě istötī töp chūök kamngö ò hēk ṙētak ò inrē.
4. Kaheuk afta öm kēḵ istötī. Yēḵ meh akahalōn töre öm öt teungten min öm kēḵ istötī, ngaich mihôiṅ öm fē-a:
-
a. Ōt hòng öp tahëng ṙētak chu kò-òren öich kēḵ istötī im afta angū-ö?
-
b. Mihôiṅ hòng öich löktö el fūn hēk vitiō kôl inrē öich kē istöti?
-
c. Mihôiṅ hòng inrē öich tölṙô yip tahëng prötör sistör nö kē istötī?
5. Vë-ekūötēv hòṅ meh havai ngam mufē re. Hēṙu lohten ngam mahaköp nö öt teungten nö istötī, hēk kihngen inrē nö ṙātö-ellōnre nö in minë ṙô ngam Paipöl. Lökten ayī-ö öi hòṅ havëkö inyööken re öi in Yāvē hòṅ hī chumkūöṙen öi haköpten ngam tarik. (Filip. 2:13) Vë-elkui re inrē öi ui ngëichkö nup öt kumlē-en ngam mahaköp, ngëichkö nup tövai pöri tinrīken ò.
NGËICHKÖ NË INRĒ
Inch. 3:27; Inl. 20:35; 2 Kòr. 12:15