YĒḴ MEH HAVANRÖÖN RE
Yôh. 7:3-5; 1 Kòr. 15:3, 4, 7
LESÖN 8
Hamöiyöre Man
Lökngörit chööngö: “Tömarô-òten manöiyö an ngam hanāngenlōn.”—1 Kòr. 13:4.
Sitih Inlahen Ök Yēsū
1. Meuk ngam VITIŌ, hönglöö vë-evkūö ngam Yôhan 7:3-5 hēk 1 Kòrin 15:3, 4, 7. Ngaich fēkö në intöönö:
Asuh Öp Haköplö Hī In Yēsū?
2. Ōt yip min tarik töt ilööṙen nö ṙātö-ellōnre nö im tölöök inhānga. Höng hòṅ möi ayī-ö öi in cha.
Sitih Inlahen Öi Min Asīnken Yēsū
3. Chöhtö öp tahëng inlahen tī re. Yěn sōḵ öp tarik nö kē-ě istöti ngaich um timlö alaha ò. Mihôiṅ pöri öm hameukhömat ò tö nup vitiō hēk nup ātiköl inrē hòṅ ò nö meuk inlahen hī yěi kēḵ istötī hēk meuk nup yanöölen re inrē min yěn haköp.
4. Um asīnten ò nö i tahëng. Kö harīkngöre inlaha yin vē tarik tö höö. Ōt min öp tö piyū-en nö haköpmat ngam Paipöl, ōt öp tö kihngen nö ṙātö-ellōnre nö in minë inköphöti ṙô ngam Paipöl. Hòṅ fēkö öp lāinyngen ò më-eṅ nö kūöyòh nö ngatī. Kihngen hòng anga-aṅ nö ṙāngö minë ṙinātö-ellōnre, hēk minë haköp re inrē sin ik urěh tinlööken re? Sōtu hòng ṙöng anga-aṅ tö më aṅpatī re nö haköp?
5. Vë-ekūötēv. Havëkö kūö Yāvē man tö hinòlṙen re, hòṅ meh öt uhā-en öm meūkkö inlahen ngam tarik nö haköp min. Vë-ekūötēv inrē öm havëkö mikah elmat re, yěm mihôiṅ öm ṙāngenre öm chuh in ngam tarik kūö ò nö öt ööire nö hang ṙô meh.—1 Kòr. 9:26.
NGËICHKÖ NË INRĒ
Māk. 4:26-28; 1 Kòr. 3:5-9; 2 Pīt. 3:9
