Urēhěkūö meh kēḵ istöti

1. 1. Hakūötenre öm halēn minë tö hòṅ hakööpö min tö nā. Fēkö nup lōn ngam kahë istötī re, ngëichkö nup kanihngen ò hēk asuh nup ṙinātö-ellōn ò. Ōt hòng min nup chūök ò nö kihngen mikah elnang. Ngëichkö nup tömihôiṅ nö yöölen tī tö ò im seksön “Ngëichkö Në Inrē” ngaich lēntöheichṙen öm löknyö in u ṙô öm vë-ekūö ò.

Hē ngam istötī

1. 2. Yē ngam tö kē-ě istötī nö hō-olōn, ngaich vë-ekūötēv im ranulten hēk kinheūṅten inrē.

2. 3. Um pōyen ṙô. Kakkö minë tökētu töhakööpö nö imat ngam līpöre. Hökngö ṙô ngam mahaköp nö ṙô-òv.

3. 4. Urēhěkūö nā an rultenre haköp öp tufömngöre seksön ngaich raheichtamat an ngëichkö minë töhakööpö min imat e.

4. 5. Yěn keuheūtṙô an haköp ngam töhěng seksön ngaich kakkö minë intöönö im manā-aṅ hòṅ ngam mahaköp nö köplōn tö minë haköp re.

5.  6. Inlahen meh yěm kēḵ istötī:

   1. a. Vë-ekūö ngam perekrāf.

   2. b. Vë-ekūö nup miröökö tö hōtu nö “Vë-evkūö.”

   3. c. Mihôiṅ inrē nö vë-evkūö nup tahëng miröökö.

   4. d. Meuk nup vitiō nup tö ngö kinūichö kūö “Röngnyöm vitiō” (yěn ōt).

   5. e. Hatön ngam mahaköp tö minë intöönö nö ṙòkhöre.

   6. f. Tölṙô ngam mahaköp nö ngëichkö minë nyat elkatòh ngam seksön “Mikahtökūöre Hēk”, ngaich tölṙô ò nö vë-eny inlahen u.

   7. g. Hameukhömat ò inrē tö minë “Chö-öny” ngaich hayööken ò nö sölta nö in u. In e mikahkūö min ngam mahaköp töre yěn kūö urěh hēk yěn hö-ö.

   8. h. Hatön ngam mahaköp inrē yěn ōt nup ööilōn ò in minë vitiō hēk ātiköl elkatòh ngam seksön “Ngëichkö Në Inrē.”

   9. i. Kalah öm keuheūtngö ngam töhěng lesön im töhěng van.

Unôichrit ngam istötī

1. 7. Örheūheu öm fēkö ngam haköptöre. Havëkö inyööken re in Yāvē hòṅ ngam haköptö meh nö kūö urěh. Havëkö mikah re inrē in Yāvē hòṅ meh hayööken ngam kahë istötī re.