Töi asehkūöre töre öi el ngam panam Yerikō. Ngam panam më aṅ Kanā-an, chūök më tarik töt ṙamātö ellōn re nö in Yāvē. Aṅ in e ök ihih yöngnyiö tö minënyu tö Rāhap.

Hē Rāhap sin nö ṙòmöng kunkun, hang nuk istori anga-aṅ inlahen tī Môsös nö hanyôngö ök Töngāṅv Mai hē ò nö ṙānyen yik Israel nö ṙa-ang Aikup. Hang nuk inlahen tī Yāvē inrē anga-aṅ nö holṙen cha nö mihôiṅ tö yik la-al cha nö kiyung. Hēk ön yih nö hang më aṅ Israel nö havīlen ngam panam Yerikō!

Hĕng heuh ik töhĕng harap, nët taka nak aṅ Israel yamih nö chöhkö ngam panam Yerikō. Yih ngach cha-a nö i patī Rāhap. Havëhöt cha ang Rāhap nö latuhēt ngach tölṙô cha nöng ngöh nö umuh. Im hatööm pöri ök rācha aṅ Yerikō nö yihih mikahlōn tö nak chamöh ngam panam nö chuh patī Rāhap. Lökten ò nö tīnngö tarik lamukken cha. Hayunngen nak chamöh pöri ang Rāhap nö ikui ök patī re ngach ngö ṙô tö yik tarik tahīntö ök racha: ‘Kò-en nak tarik taheui nö chuh in chu, ngach pöri cha-a nö ṙāngö ngih elpanam. Yēḵ yiö pöri min veūten fallö rit cha, öthō yin min öt teūngen tö cha!’ Kūöyòh ök Rāhap tölōn meh nö laklö nak chamöh ngam panam?— Kūö ò nö ṙātö ellōn re nö in Yāvē, akahalōn inrē anga-aṅ tö Yāvē min nö kētö ngam panam nö eltī më aṅ Israel.

Urĕhĕkūö nak chamöh pöri nö ṙāngö patī Rāhap, ṙātö kinlēḵngô cha-a nö in Rāhap tö cha min nö öthō nö fëlngen ò, tö yip aṅ patī ò inrē, yēḵ cha min nö piyāingö ngam panam Yerikō. Asuh ök rih tinöölô Rāhap tö cha?— Ngö ṙô nak: ‘Kēḵ ngih töngāṅv pömchö rehen, ngach kapòklen e im inkūp. Yēḵ meh min ngatī inlahen, ṙòkhöre min yip töng aṅ ngam patī meh nö öt fehnguṙen.’Ngatī inlahen ngach ang Rāhap sā tinöölô ò tö cha. Akahakūö öm töp inlahen cha hēk?—

Haroh tum hang sumkam ngach, më aṅ Israel nö havī ngam elpanam nöng chēvhakṙen. Tafūöl sumkam röön cha-a nö ngatī inlahen nö havī, nö hĕng van i tö hĕng sakamö. Im sinatö sakamö pöri cha-a nö sat van röön nö havī ngam elpanam. Pōitô ngach cha-a nö hū-a unôichrit e. Ngach Yāvē nö vīten ngam kinlonglö ngam elpanam nö fukngö. Ngam patī pöri tö kilöl löng kūö tö ngam töngāṅv rehen, höng angū-ö hĕng hang töt fukngö! Meūkö e öm imat ngam nyat?— Öt fehnguṙen ang Rāhap tö yik aṅ patī ò inrē!

 Asūp haköplö hī in Rāhap?— Ṙātö ellōn re ök Rāhap nö in Yāvē kūö ò nö hang nuk pinngangkūö la-en ò. Ngatī man me-eṅ inrē töngamuh hang nup pinngangkūö la-en Yāvē. Ṙatö ellōn re öm rih in ò öm sā Rāhap?— Akahalōn in töm öm ngatī!