Lööṙen öm ṙung hang chööngö nap yöngre?— Hēṙu man ṙung öt lööṙen. Achiö yik rih tö hāngö chööngö tö Yēsū tö lōn meh?— Yöölen man min yĕm hang inlahen Yēsū öm hang chööngö nap yöngre pòrô öm öt lööṙen. Ta-a chĕi töi ṙūötö mikahkūöre.

Urĕhĕkūö Yēsū misī nö yih nö ing panam, in ngam yöng re anga-aṅ Yāvē, nö el halīöngö. Ōt pöri nak yöng Yēsū inrē nö ing panam. Nā Yôsef na Mariā. Akahakūö öm tö löktö inlahen cha nö yöng ò?—

Pinngangkūö an ngam tī Yāvē nö chaphöt ngam nômö Yēsū nö ellōn  Mariā  hòṅ ò nö pirūka tö ò, sā pinrūkö yip nyiö ṙung tö yöng re. Fötnyu ngach Yēsū unôichrit tö machūhtör chumngëṅtö. Angu-ö ön löktö inlahen nā Yôsef na Mariā nö yöng Yēsū nö ing panam.

Hē Yēsū nö ṙòmöng 12 höiny samyeūheu, hameuktöre anga-aṅ nö in ök töhĕng la-en re tö ò nö hangenlōn töm yöng re, Yāvē. Meūkö e in hē Yēsū tö yik aṅ patī ò nö marò-òlkūö kinröönngö nö chuh Yerusalem hē ngam Pāska. El talöökö cha ngach nö havan, öt meukö ang Yēsū tö nā Yôsef na Mariā. Isuh ök rih tö lōn meh?—

Ilöö havan ngach nā Yôsef nā Mariā nö chuh Yerusalem nö chööhö Yēsū. Paṙūtalōn cha-a pön öt kòtökūö tö ò. Unôichrit tö lūöi sumkam pöri cha-a nö kôtökūö tö ò nö el ök töhet chūök! Kūöyòh Yēsū tö lōn meh nö el ök töhet chūök?— Pön in e min anga-aṅ nö haköp inlahen ngam yöngre, Yāvē. Hangenlōn anga-aṅ tö Yāvē töp lökten ò nö chöh talöökö re nö haṙamlōn ò. Söl kinrööngöre anga-aṅ nö örheūheu nö hang chööngö Yāvē. Pòrô Yēsū nö öt lööṙen sön anga-aṅ nöng hang chööngö, yĕn pòrô öre anga-aṅ nö kihngen tö kūö e. Hang chööngö nā Yôsef nā Mariā hòng inrē Yēsū?— Heūṅ, vënyu nang in töm Paipöl tö ò nö ngatī.

Asūp mihôiṅ haköplö meh im inlahen Yēsū?— Hòṅ hang chööngö nap yöng re man, töpòrô öm öt lööṙen. Ngatī inlahen öm min?—