Lōnu an ngam Tēv tö hī öi lām hēk örheūheu ṙamölōn iyöng kūö ngih panam yĕn Peretāis!

Lohten man pingangkūö, ‘Sitih lökten öng nö mihôiṅ nö ngatī?’ Vë-eny nang hī ön ngam Paipöl tö e min nö lökten im Pūlngö ngam Tēv nö teungta, lōn ngam Tēv an inrē tö taṙòkhöre tarik nö akahakūö töm Pūlngö hēk tö ngam kuilōn ò nö in hī.—Salmai 37:11, 29; Isayā 9:7.

Lōnu an ngam Tēv tö hī yöölen tī tö re.

Sā öp tö akaha inyööngö nö lōnu töp kūön re nö kanôluṙô, ngatī lōn inrē ngam yöng hī aṅ el halīöngö tö hī öi kumchikngenre im tö örheūheu-aṅ ṙanamölōn. (Isayā 48:17, 18) Kilēḵngôre an tö “ngòh töla-evṙen tö lōn ngam Tēv köp nöng örheūheu.”—1 Yôhan 2:17.

Lōnu an ngam Tēv tö hī lök el nup talöökö ò.

Ngö ṙô ön ngam Paipöl tö ngam Vamīlen hī nö hòṅ “haköpten hī tö nup talöökö ò” hòṅ hī “lök el nup talöökö ò.” (Isayā 2:2, 3) Halēnlö tarik anga-aṅ “nö tarik ò” nö vamënyö minë kuilōn ò nö keuheūtngör chūök nö i në panam.—Inlahen 15:14.

Lōnu an ngam Tēv tö hī öi hĕng im vinë-ekūö ò.

Öt īnu yin vē tökô-en vamë-ekūö Yāvē tö inrēvöre, hamūlöre pöri cha-a nö im töt atöltuṙen hanāngenlōn. (Yôhan 13:35) Achīö yip töngamuh tökeuheūtngör chūök mahaköptö kikōnyö kikānö nö mūlhakṙen nö lök lōn ngam Tēv? Havëten meh in mikahtökūö re öm lökten ing kun līpöre.