Hēṙun Min Në Kanihngen Nö Chuhngöre?
Sitih ṙô öm öre . . .
heūṅ?
hö-ö?
lohten?
SITIH ṘÔ ÖNG NGAM PAIPÖL
“ngaich chūtngö mak mat min [ngam Tēv], nö ṙā-ang i mat cha, öt ōtngöre min inrē ngam kinpaha, ötṙēhĕn min miṙivlōn nö umuh, öt pineūṅyu, öt chanööku nö hēkngöre.”—Inmeukhömat 21:3, 4, THE HOLY BIBLE Car Nicobarese.
ASŪP MIN YANÖÖLEN MEH YĒ MEH AKAHAKŪÖ TÖ E
Ṙinātu ellōn tö ngam Tēv nö öt kētö kanihngen hī.—Yāköp 1:13.
Teūngen tö hanöhlö re pöm akaha elmat tö ngam Tēv nö akahaiṙen tö nup kanihngen hī.—Sakariā 2:8.
Meūkkö në kanihngen min nö chuhngöre.—Psalm 37:9-11.
KÒ-EN ÖI RIH MIHÔIṄ ṘĀTÖ ELLŌN RE TÖ MINË ṘÔM PAIPÖL?
Heūṅ, ngëchkö në tö nët lāinyngen:
Surīkhö në kanihngen tö minë tötchiplö inkaha falen an ngam Tēv. Ngëchkö mufē ngam Tēv ik sā ötlinëken yik tarik ò misī. Vënyu nang in töm Paipöl tö ngam Tēv nö ‘haṙivölōn tö pòkūö tī yik mahakihten cha.’—Kamhôka 2:18, THE HOLY BIBLE Car Nicobarese.
Kirööngö falen yip tö chökhutī tö holre nö imat ngam Tēv. Sā ṙô ngam Paipöl nö vë-eny nang hī tö öp “kël . . . kumtaknyö mahām töt akahaṙa” nö surīkhö ngam Tēv.—Inchōḵ-oṙô 6:16, 17.
Chumkūöṙen an ngam Tēv tö hī. Rö-ö in öi höng ayī-ö ma “akah kanihngenre, miṙivlōn” re, tön Yāve inrē tö akahakūö tö u!—2 Kinṙötngö 6:29, 30.
Öt ṙôktörevö tī an Yāvē nö ha-etngö në kanihngen hī nö lökten im pūlngö re tī. (Mëtiv 6:9, 10) Hanöng saha yanihih e pöri sin anga-aṅ nö kētö hanöhlö yip tarik chamööhan.—Inlahen 17:27; 2 Kòrin 1:3, 4.
AFĪTÖRE MAN TÖ NGIH
Kūöyòh ön në kanihngen nöng höökiṙen töm Tēv?
Kētö sanapṙô e ön ngam Paipöl im RŌMA 5:12 hēk 2 PĪTÖR 3:9.