Kô-en Yip Rih Tökapah Min Hēk Nö Aṅ?
Sitih ṙô öm . . .
heūṅ?
hö-ö?
lohten?
SITIH ṘÔ ÖNG NGAM PAIPÖL
“Invanlö tökapah [öp] min.”—Inlahen 24:15, THE HOLY BIBLE Car Nicobarese.
ASŪP MIN YANÖÖLEN MEH YĒ MEH AKAHAKUÖ TÖ E?
Höhlö yēḵ meh kapahlöng tö holmaneuk re.—2 Kòrin 1:3, 4.
Ṙānyu ṙa-ang im pinhë-eṅkūö töm kinpaha.—Heprāi 2:15.
Teūngen töm tökò-en maheūṅkköre öm meukkūö yip holmaneukre tö ngach nö kapah.—Yôhan 5:28, 29.
KÒ-EN ÖI RIH MIHÔIṄ ṘĀTÖ ELLŌN RE TÖ MINË ṘÔM PAIPÖL?
Heūṅ, ngëchkö në tö lūöi lāinyngen:
Ngam Tēv an kamëtö ngam nômö. Vënyu an ngam Tēv Yāvē tö ngam Paipöl nö “löklö nômö.” (Salmai 36:9; Inlahen 17:24, 25) Ngach höng Anga-aṅ ngòh kamëtö nômö töminhôiṅyuvö nö havanlö nômö më tö kapah.
Ngach an misī ngam Tēv nö hachohlö tökapah. Vë-eny nang hī ön ngam Paipöl tö inlahen yik tarik—ṙālö, tököiny, kikōnyö, hēk kikanö—tö hachohlöng nö ṙa-ang im kinpaha. Rīkre in cha töng rahëchtaṙen nö el anūlö, hĕng tak pöri ök tö fën hata sumkam nö el anūlö!—Yôhan 11:39-44.
Veūtö lōn an ngam Tēv hēk nö hòṅ ngatī inlahen. Surīkhö ngam kinpaha an Yāvē, kunyaha elmat takò anga-aṅ tö e. (1 Kòrin 15:26) Lökten im invanlö tökapah anga-aṅ nö meūkken re nö ha-etngö ngam kumnyah elmat re ngam kinpaha. Ngach veūtö lōn nö hòṅ hochohlö yip tarik kanööpölōn ò ngach hòṅ meūkö cha hēk nö aṅ nö ikūöng panam. —Yōp 14:14, 15.
AFĪTÖRE MAN TÖ NGIH
Kūöyòh öi köinyngö ngach kapah?
Kētö sanapṙô e ön ngam Paipöl im RANEHLÖ 3:17-19 hēk RŌMA 5:12.
Lohten Inrē öm Hòṅ Ngëichken Në
INLAHEN IH
Kūöyòh Hòṅ Haköpmat Ngam Paipöl?
Kööṅnyu ngach tö teūngen tö sanapṙô re nö lökten im Paipöl. Hö-ö öm me-eṅ hòṅ sāḵ cha?
INKÖPHÖTI ṘÔ PAIPÖL
Kalahtenre man Haköp Paipöl
Öt ṙāyu inköpti yěm haköptu töp töhěng tak mahaköpten meh.
