LŪÖYÒNG TANEUI ANĀI samyeūheu unôichrit ök ṙanööingö ik sakāmö Nō-a, hĕng tak ök tölöök tarik, Aprahām ök minënyö ò, mi-iyöng kūö ök tökôlò panam Ör, öp tö Irāk invëkö töngamuh. Tökiröngö ṙinātö ellōn ök Aprahām nö tarik. Kalaha pöri min ngam ṙinātö ellōn ò.

Tölṙô Aprahām ngach ngam Tēv nö ṙāngen ngam panam chūök finötnyö re nö chuh ip panam Kanā-an. Ilöö kiröönngöre ngach Aprahām sā tinöölô ò tö ngam Tēv. Kētam anga-aṅ tök pīhö re Sëra, Lòt inrē ök kikōnyö kūön hanöng kisānö ò, ṙòkhöre inrē nuk inlīnen cha. Sölta chā-a ngach nö i Kanā-an, höng iyöng el inrūkui chā-a. Kētö kinlēḵngô ngach ngam Tēv nö in Aprahām tö ò min nö tökiröng nö mumā-aṅ tarik, ngach ṙòkhöre yip mikūönö ò ing panam min nö teūngen töm panam Kanā-an.

Sīöpö ṙòken ngach nuk pöököre hēk nuā nā Aprahām nā Lòt, lökten chā-a nö öt kô-òre chūök. Tölṙô Lòt ngach ang Aprahām nö katöllö öp kuilōn re chūök re nö iyöng. Atöllen Yôtön ngach ang Lòt ngam töṙā-akūö panam, ngam tö röhta nö im panam Sôtöm. Tösaṙaklöng ötlanöökö yin më tarik aṅ Sòtöm.

Unôichngöre hēk Yāvē nö kilēḵngôre nö in Aprahām tö yip kūön ò min nö sā ṙôken taneūsömat ngam halīöngö tö ṙôngö re. Ṙātö ellōn re ang Aprahām tö ṙô Yāvē, töpôrò ök pīhö ò nö öl nö kūönu. Ik hē Aprahām pöri nö 99 samyeūheu ngach chuh i tö 90 samyeūheu ang Sëra, vë-eny nang Aprahām ngach ngam Tēv tö Sëra min nö kūönu tö kikōnyö. Kūönu ngach ang Sëra tö Īsak nö sā ṙô ngam Tēv. Kūönu ök inrē Aprahām tö tahëng, höng lökten in Īsak pöri min nö yih öp ṙamā-any nö asā ngam kinlēḵngô el ök panô-òṅ Ēten.

Ṙòngmöng iyöng ikūö ök panam Sòtöm ang Lòt tö yik mikūönö ò inrē. Öt nôlhöt pöri ang Lòt nö in minë ötlanöökö yik tarik pòrô më tarik aṅ Sòtöm nö tösaṙaklöng ötlanöökö nö ikūö ngam Tēv. Lökten ik sā ngam Tēv nö hòṅ piyāingö ngam panam, hatūinyôre anga-aṅ nö vë-eny nang Lòt töm kuilōn re. Tīntö nak ma-ahānga anga-aṅ nö tölṙô Lòt nö falngö re nö ṙā-ang im panam Sòtöm. Sōten ò inrē nö tēk uk re. Ngach ngam Tēv nö chihūḵtö ihong tameūyö nö ikui Sòtöm tök panam tö röhta inrē Kômòra, ngach hetngö tī tö yik aṅ kūö u. Höng Lòt tö nak tö nët tak kūön ò kikānö töt kô-òngvah. Tēk uk re pöri ök pihö Lòt, lohten nö piṙūtkö nuk ṙahāngöre chehen. Kūö töt hināngö chööngö ngach anga-aṅ nö löhlö tī tök nômö re.

—Lökngörit im Ranehlö tö 11:10–19:38.