TARIKŪVÖ hòng min tö hō nö kööpö ṙinātö ellōn nö im Tēv yēḵ ò nö kalāha tö nup tö mötlö ṙôken kinlāha tö nup kanô-òṅ ò nö keun, hēk yĕn köp nö hang chööngö ngam Tēv yĕn tö pòrô nö öt yanööluṙen nö löklōn ngam Tēv? Intöönö ön ngih tö asöklöng tö ngam sī-ö, teūngen in tö sanap ṙô e yēḵ hī hang inlahen ök ihih tarik töminënyu tö Yōp.

Hanöng kisānö Aprahām ök Yōp. Mi-iyöng kūö ök panam Ūs, öp tö Arēpiā invëka töngamuh. Ṙòngmö i Aikup yik kūön Israel ik hē u anū-ö sakāmö. Ngach hē yik kūön ngam Tēv el halīöngö nö hamūlöre nö i kūö Ò ik töhĕng sakāmö, umuh inrē nö yihtöre Satān nö i kūö ngam Tēv. Vënyö chaniplen Yōp ngach ngam Tēv Yāvē nö i kūö cha tö ò nö töt fāluṙen nö i kūö ngam tumlat. Ngö ṙô anga-aṅ, öt tarīkuvö tö sā Yōp nö tö chiplen nö ikūö në taṙòkhöre panam. Ngö ṙô pöri Satān nö sapṙô ngam Mā Tēv, pa-ekūö öp Yōp tö ngam Tēv pô ngam Tēv nö hakôlò nup lā-en ò hēk laklen ò inrē. Ngö ṙô inrē Satān, tö Yōp min nö ötlēkôre töm Tēv yĕn kē-ĕyö minë taṙòkhöre inlānen ò.

Halöngten ngam sī-ö ngach ngam Tēv nö chökṙen Yōp, urĕh nö inuk kanôlò ò, in yik kūön ò hēk kētö invah alaha ò inrē. Öt akahalōn pöri ang Yōp tö në chinökṙen ò nö löktö in ngam Sī-ö, chinökṙen ò anū-ö tö lōn ò töm tökeūttöre chööngö Tēv. Söönen ang Yōp nö öt havööngö kūö re töm Tēv.

Lūöi tak yik töng töl hol Yōp yamihtöre nö in ò, rö-ö chā-a nö mahaṙamkölōn ò, pön höng ṙamūötö kanihngen ò. Kö tömrit höö nuk ṙô cha nö in Yōp, i mat ngam līpöre Yōp in meūkö u töngamuh. Vīlö fālen Yōp chā-a nö ngöṙô tö minë kanihngen ò nö kūö nup töt meūkö fālen ò, lökten ngam Tēv nö chökṙen ò. Ngö ṙô inrē chā-a tö ngam Tēv nö öt ṙanamulōn hēk öt ṙinātu ellōn nö in yip tarik re. Öt hakūöken minë ṙô cha pöri ang Yōp. Halöök ellōn re pöri nö hòṅ haköptīre töm chanīpen re nö söl kinpāha re.

Ngach pöri ang Yōp nö yahlö mufē tö re nö öt vanāchu. Hĕng taka ök ṙāl tarik tö Ĕlihū ṙö invëka, ök töng mahangihtöre tö nup taṙôkhöre ṙô cha nö vë-ekūöre. Kaknyöre anga-aṅ nö halööktö vanāchö mufē Yōp pò ò nö kūönngöre lōn töm inrōilö ngam Tēv ngach mööḵlö lōn pöri töm inrōilöre. Pōyen ṙô pöri Ĕlihū nö hachök yik töng töl milālö Yōp.

Vë-ekūö Yōp ngach ngam Tēv Yāvē nö halööktit nup mufē ò. Hameuktö minë pinngang kūö vahī-il re ngam Tēv, pön hòṅ vë-eny nang Yōp tö kun ṙôkö ngòh tarik nö öt ṙongta nö sā ṙôkö ngam Tēv. Holtö inyāichngö re ngach Yōp nö hō nö halööktitvö töm Tēv pò ngam Tēv nö tö “tööḵlö tö miṙēḵlōn, tööḵlö tö neūkölōn” inrē, lökten ngam Tēv nö havantö lanööken Yōp ngach nët chap tī nö kē-ĕkūö ò nö sā ṙôken nuk kanôlò ò lā-urĕh, hēk hakôlô ò inrē nö kētö yik tö söm tak kūön cha. (Yāköp 5:11) Ngam chaniplen Yōp nö i kūö ngam Tēv Yāvē hē ò nö kalāha tö minë tökiröng kinlāha re an sanaprô ngam sinūöchkö ngòh tarik tö ngam sī-ö, tö ò nö öt köp nö löklōn ngam Tēv yēḵ ò nö kihngen.

—Lökngörit im līpöre Yōp.