HĒ NUK sakāmö inyööngö tö yik rācha aṅ Israel aṅ Yūta inrē, hē e ngam Tēv nö katöllö yik pròfĕt, tö aṅhav in tö tökiröng ṙinātö ellōn, öt pinhë-evkūö inrē nö ṙônyö minë ṙô ngam Tēv i alaha ngam kinṙôka. Ta-a töi ngëich kö në tö fën chööḵ-öny ngam inhāngö vahënyö yik pròfĕt.

1. Pinyāi̇̄ngö Yēruselem. Hā-ehangen ineūka ön tö yik pròfĕt ngam pinyāingö Yērusalem min, tö ngam inlaha e inrē nö öt aṅhavkūö. Mötlö ineūkö angū-ö tö nā Isayā nā Yarimiā. Öt achöö-öv ṙô cha-a nö vënyö lanīnö ngam Tēv nö in më tarik aṅ ngam panam i Yērusalem. Pô meh tarik aṅ Yērusalem nö vame-ekūö ngam Tēv Yāvē tö ṙô re lān rö-ö pô cha nöng vame-ekūö insātēv, rö-ö nöng anū-ö, tön keuheūtngöre chūök minë ötlanöökö, sinòṅkkūö hēk kintaknyö mahām inrē nö i kūö ngam panam.—2 Rācha 21:10-15; Isayā 3:1-8, 16-26; Yarimiā 2:1–3:13.

2. Invantö ngam Tökô-en Linöökö lōn ngam Tēv. Unôichrit tö 70 samyeūheu rô-angen min yip tarik ngam Tēv nö ṙānyu nö ṙā-ang el inköövö. Havan panam re chā-a min ngam töt aṅhavkūö, ngach havanlö minānlö ngam chūök vinë-ekūö ngam Tēv Yāvē nö i Yērusalem. (Yarimiā 46:27; Amôs 9:13-15) Nëtòng samyeūheu unrĕhngöre ṙô ang Isayā nö vënyen Sairös ngam yamih min nö lā-al Pēpilön, ök mahalöngten më tarik ngam Tēv min inrē nö havantö ngam tökô-en inlahen vinë-ekūö ngam Tēv. Hangālnyu inrē minë inlahen Sairös nö kiyung tö Isayā.—Isayā 44:24–45:3.

3. Yanihih ngam Mesayā tö nuk la-en ò inrē. Fötnyu min ngam Mesayā nö i Petlihem. (Maika 5:2) Yāich öp min, yih min anga-aṅ nö i uk kötta. (Sakariā 9:9) Pòrô öp min nö tö ṙēmen, töpōyen miṙēlōn inrē söönen min nö öt akahka tö tarik, pōyen yip samôḵen ò inrē. (Isayā 42:1-3; 53:1, 3) Pōyen kanihngen öp min nö im kinpaha re. Angu-ö öng min ngih manāngen ngam nômö ò? Hö-ö, pön lökten im finëlngö ò min töpōyen tarik nö teūngen tö inṙē-ĕl nup tökööl re. Höng ngam invanlö ò min mahateungtö kūö e.

4. Ngam inyööngö tö Mesayā i kūö ngih panam. Ötkô yin vē töthet tarik nö hayöng nö i lanāmö, höng ngam pūlngö Mesayā ön min tökô, ngam rācha kūö lanāmö invëka. (Isayā 9:6, 7; Yarimiā 10:23) Elkatòh ngam inyööngö tö ò min tarik nö lām nö in höö, söl in minë töṙeūla inrē ngam lanāmö. (Isayā 11:3-7) Öt ōtngöre min invah. (Isayā 33:24) Ngeūktu min inrē ngam kinpaha nöng örheūheu. (Isayā 25:8) Im hē ngam inyööngö min tö Mesayā, hachohlöngö min yip tö kapah nö i kūö ngih panam.—Tanīĕl 12:13.

—Lökngörit im līpöre Isayā, Yarimiā, Tanī-ĕl, Amôs, Maika, hēk Sakariā.