Kahūich Mākös 16:1-8
-
Hachohlöng ang Yēsū (1-8)
16 Hē kinheūten ngam Haneūheu Töhet Sakāmö, ngaich havah ök tötahūsa masāla ang Mëri Mektelīn, Mariā ök yöng Yāköp, hēk tö Salōmī inrē hòṅ cha nö lūöptö e nö i alaha Yēsū.
2 Ka-euilökūö cha-a nö chuh ik anūlö hē minlīlö peuheū im raneh sakāmö ngam afta.
3 Höng vë-ekūöre cha-a nö ngö ṙô: “Achīö öp min mahayööken hī nö kēngen öp ihong nö ṙā-angkūö öp anūlö?”
4 Hē cha pöri nö ngëicha, ngaich ha-ehangen ök ihong nö pilööniyö nö ṙā-ang kūö ök anūlö, pòrô angū-ö nö kiröng.
5 Hē cha ngaich nö kuhēthötre nö el ök anūlö ngaich meuk ök ṙāl tarik cha-a tö isōho chehen nöng ūichhak nö lāhāmö, ngaich pingangkūö cha-a nö meūkö ò.
6 Ngö ṙô ngaich anga-aṅ nö in cha: “Uh yin öi pa-ekūö, chöhö Yēsū yin kòl yiröh ök aṅ Nāsaröt, ök tökilöllöng nö irōi chōn nö fëliyö. Ngaich ök nö hachohlöng, hö-öv ök ngaich nö ihih, kò-òren öi ngëichkö ngih chūöktit ò nö ṙāḵtu.
7 Kuṙòh pöri kiröönngöre yin, vë-eny nang Pītör tö yip haköptö ò inrē, öi ngö ṙô, ‘Urēhěkūö yīö öp ngaich nö chuh Kelelī. In e yin min öi meukkūö ò, sā ṙô ò nö in yīö.’”
8 Lökten ngaich cha-a nö kunyī-inyre ngaich fal nö ṙāngen ök anūlö. Pa-ekūö cha-a hēk pingangkūö inrē pön öt akaha elmat tö inlahenre, lökten ngaich cha-a nö öt vë-eny nang tahëng tö kūö ngam tökiröng pinhë-eṅkūöre.*
Footnotes
^ Sā ṙô minë tökô-en hēk tö hötṙeh Paipöl menusript nö vë-eny nang hī tö ngam līpöre Mākös nöng tölngö in ngam tö 8 miröökö nö keuheūt. Ngëichköm Tahëng Ātiköl A3.
