1. Chīö yip min hol, ngam Tēv?

Chīö mi-iyöng in ò?

Chīö yip hanôl ò, Chīö yip tökô?

Chīö yip mikahkūö ò?

Yip hamang chööngö ò,

Yip töng in ò kuilōn,

Yip töng örheūheu, nö kò-òṙô,

Tö hangenlōn tö ò.

2. Chīö yip min hol, ngam Tēv?

Chīö yip tö hāngö ṙô?

Chīö yip töṙamlōn tī min tö ò.

Chīö yip mikahkū ò.

Yip maha-öinyö ò,

Tumkök nup nöönyö ò,

Yip töng milēṙen, tö chīpö ṙô,

Tö pa-ekū tö ò.

3. Hang ṙô ih Tēv Yāvē,

Öi kētö nöönyö meh,

Tēv töchumkūṙen, töhangenlōn,

Hakòlô ih man yē,

Kū ih hanôlö meh.

Hòṅ hōluvö tö meh.

Yöng tö akaha öm tökô-en,

Chūk hī hayönglenre.