Ik 24 Mē 2022, ngam töhěng inlahngen nö i Tëksös Amerikā nö in ngam tökūöṅnö elpanam Uvaltē. Ngö ṙô ön ngam Tö Niū Yòrk Tāims Niūspěpör nö vënyö inlahen “më nyīö tö 19 tak, tö nak tö nëttak tīchör inrē nö hareūli tök töhěngtak tarik nö el ngam Rôp Ëlimentri Iskul.”

 Haṙivölōn in pöi höng örheūheu töngamuh hang minë tö ngatī. Ngö ṙô ön ngam USA Tutē Niūspěpör nö vënyö ngam ripōt, “nö 249 ṙôken minë inlahngen tö ngatī ik i-a samyeūheu nöng i Amerikā. Minë tö pōyen in minë tö ngatī inlahen nö löktökūö ik 1970 söl ing samyeūheu töngamuh.”

 Kūö yòh ön rih nö ōt në tö ngatī pinlāḵngen? Sitih inlahen öi min la-al minë tö ngatī pinlāḵngen yamīhen hī? Ahëti aich min më famëlngö tarik? Ōt nun minë sanapṙô u nö imat ngam Paipöl.

•    Vënyu nang in tö ngam Paipöl tö yip tarik min ing “manā-aṅ sakamö” nö “öt aṅhaṅv-in tö nehngenre hanāngenlōn” hēk “tötainy” inrē. Angū-ö ngih ṙētak hī töngamuh, lökten nö pōyen yip tarik töt aṙē-ělōn nö fëlngö holre. Rö-ö pöri nöng anū-ö, pön vë-eny nang hī inrē ngam Paipöl tö yip tarik min “nö ṙūöngenre.” (2 Timôtī 3:1-5, 13) Yěm hòṅ ṙūöhtö mikahkūöre, kò-òren öm vë-ekūö ngam ātiköl “Kūö Yòh Ön Në Kanihngen Nö Pōyen?”

 Ōt yip tarik tö ngölōn, ‘Kūö yòh ang ngam Tēv nö hökngen yip mahareul, yip famëlngö tarik nö el iskul?’ Vë-eny nang hī ön ngam Paipöl tö inlahen e. Yěm hòṅ mikahtökūöre, ngaich vë-ekūö ngam ātiköl “Kūö Yòh Yip Tölöök Tarik nö Kihngen?”

•    “Nup tö ngaich nö kūichiyö nö lā-urĕh, kūichiyö anū-ö nö haköp hī, lökten im manöiyö, inṙamlōn inrē, aṅ im töhet līpöre, öi maheūṅkkuvö.”—Rōma 15:4.

 Yěn ngatī inlahen minë kanihngen, ngaich mihôiṅ ayī-ö öi kēḵ inlēnöre imat ngam Paipöl. Yěm hòṅ ṙūöhtö mikahkūöre tö inlahen e, kò-òren më-eṅ öm vë-ekūö ngam ātiköl “Ōt Öp Min Panam Chūök Yip Töt Lama-alkūöre?”

 Vöö yip nyīö ṙung yěn meuk hēk hang nup tö ngatī inlahen. Sitih inlahen yip rih min inyööngö nö mihôiṅ nö hayööken cha? Yěm hòṅ ṙūöhtö mikahkūöre ngëichköm ātiköl “Chumkūöken Ngam Innôlö,” “Akahakūö tö Kanihngen më Kūönre Ngaich Hayööken Cha” hēk im ātiköl “Sitih Inlahen Aich më Nyīö Yěn Hang Minë Tötlöng Niūs.”

•    ‘Ṙānyen cha An min ṙā-ang im inkihten, chanökhuṙen inrē.’—Salmai 72:14.

•    “Ngaich cha-a min nö röm nup fël re nö kunköh tumlat, nup vöi cha inrē nö kinmöp elkui chōn: hö-ö yip min pumnāmö tarik nö hachônglö fël nö lā-al pumnāmö tarik, öt rēhĕn cha-a min nö hēk nö haköp kinyungö.”—Maika 4:3.

 Ötkô yip tarik töngamuh nö asökngö në tö ngatī kanihngen, höng ngam Tēv pöri tö mihôiṅ. Löktö im inyööngöre tī an min ngam Tēv nö ahëtngö minë chëhetī famëlngö tarik hēk kēngen minë kanihngen inrē, Yěm hòṅ ṙūöhtö mikahkūöre tö la-en ngam inyööngö tö ò, kò-òren öm vë-ekūö ngam ātiköl “Keuheūtngöre Chūök an Min ngam Lanāmö ‘Yěn Hayöng Ngam Tēv.’”