Akahakūö takô ang Yēsū tö kanihngen ngòh tarik tö teunghukui tö minë ötlinëken. Pön ngatī ötlinëkaṙen inrē anga-aṅ misī ik sā ò nö ing panam. Sūöichka fālen anga-aṅ, fōho, kahôkkaṙen, vīlöng fālen hēk ötlēkaṙen finëlngö inrē. Höng öt fāluṙen anga-aṅ, sön pöri anga-aṅ nö holtö ṙanamlōnre nö kēngö “nômöre nö ṙāi tömaṙôngö.” (Mëtiv 20:28; Yôhan 15:13) Ngaich an töngamuh nö Rācha ngam Pūlngö ngam Tēv. Röhta min ngam inlahen ò nö kahôkka ngaich kēngen minë ötlinëken nö ikūö ngih panam nö keuheūtngöre chūök.—Isayā 42:3.

 Sitih inlahen öi min yěn kē-ěyö minë inkihten hēk ötlinëken tö Yēsū nö ikūö ngih panam, ngö ṙô an ngam Paipöl:

•   ‘Pön höng rahëichtöreṙen, ngaich öt ōtre min yip tötlöök, hòṅ, pētngen man min ngëichkö chūök ò, ngaich öt ōtre min anga-aṅ. Amīnu pöri anga-aṅ tö panam ngam töyāchö ellōn: ngaich kumchikngenre min ip lanā-mö töpōyen.’—Salmai 37:10, 11.

 Sitih inlahen öi min ayī-ö hameuktöre öi ha-öiny nup tī Yēsū töngamuh hēk in nup yamih min ṙētak inrē? Tölṙô yik haköptöre ang Yēsū in ngam Lūkös 22:19, nö fēkö ngam kinpaha ò. Lökten yin më Vamënyen Yāvē nö kaheuk samyeūheu nö holṙen re nö afēkö ngam kinpaha Yēsū. I ngih samyeūheu ip Sunday, 24 Māch min nö kēkaṙen ngam infēkö kinpaha Yēsū. Havëten meh in öm yihtökūö ip hē e angū-ö sakāmö.

Chūök ngam Mëmorīöl