“Löktökūö nyini-öre chū öich töng fëlö tök kanônyöre, höng ayôka elnang inrē tö ò. Unôichrit chu inrē öich pihöv, ötlēkaṙen chū-ö tö nak yöng pīhöre, höng sā tanölöṙô cha chū-ö. Hēṙu chū-ö kūyulōn töre öich höng hòṅ fëlngöre.”—Mötu, a Intiā.

 Ngö ṙô ön ngam Vöörlt Helth Òrknaisēsön, “Höng ṙòkhöre vē kikānö ikūö në panam nö kô ta nyaha nö fëlö.” Yěi ngëichkö minë ripōt öre, in më tölūöi tak yöng nyīö hēk kikānö, öthō nö öthěng tak in cha tö kôta nyaha nö fëlö hēk mihôiṅ nöng hanāchiṙen hēk timlöng alaha nö kēken ngam sex.

 Yē meh öm tö ngatī inlanken pī-a lohten min më-eṅ öm vöö hēk ngö ṙô lōn inrē yěm chuh in nup kū-öre tö chu min öich höng öt lēka elnang, miṙē-ěyi hēk höng öt lēkaṙen inrē. Yěm meuk minë tötlinëkenre ngaich lohten më-eṅ öm ngö lōn tö ngih panam nö mināich elmat tö mö kikānö. Ngatī mat hòng pöri ngam Tēv nö ngëichken yīö öi kikānö?

 Ngö ṙô ön ngam Paipöl: “Vī tarik ngaich ngam Tēv nö . . . kikōnyö kikānö.”—Ranehlö 1:27.

 Manah: Nëtre tak vahīlö ngam Tēv tö tarik nö kikōnyö hēk kikānö, lökten anga-aṅ nö kūyulōn tö cha nö hěngren minlēken. Pön öt lōn ngam Tēv angū-ö tö ngam kikōnyö nö ötlēken ngam pīhöre kikānö, ayôkö elnang ò hēk fëlö ò inrē. Lōnu pöri anga-aṅ tö ngòh kikōnyö nö ‘hangenlōn tö ngam pīhöre sāre töre.’ (Efisös 5:33; Kòlòsī 3:19) In e mikahkūö ayī-ö tö ngam Tēv nö chumkūöṙen tö më kikānö hēk hòṅ laklen cha inrē.

 “Ik sā chu ṙömöng nyīö, ngaich ötlēnö inlahen yik hanöngkisānö chu nö in chu. Hē chu öich 17 höiny samyeūheu, ngaich pinhë-elkūö chu ök yöngren chu tö chu min yěich öt kēken ngam sex öich in ò, ngaich ṙānyen chu min anga-aṅ öich ṙā-ang im kinmānö chu. Unôichngöre ök pīhö chu, nak yöng chu hēk tö yik lā chīṙö chu nö minūö elmat tö chu. Haköp inlahen Yāvē b ngaich chū-ö ngam vamīlen hī nö kiröngen minlēṙen anga-aṅ tö më kikānö. Löktö in e ngaich chū-ö öich ṙātö-ellōnre tö ò nö hangenlōn takô tö chu hēk pōiṙāi mat inrē tö chu.”—Mariā, Archentina.

 Ngö ṙô ön ngam Paipöl: ‘Ōt pöri yip hol yip tö mötlö tö yip hanöngkisānö hī.’—Inchōḵ-oṙô 18:24.

 Manah: Mihôiṅ ön ngòh tö akaha hol nö hayööken meh. Yěn tölöng angū-ö nö in meh, ngaich mihôiṅ öm vënyö ṙô ellōnre öm in öp töhěng tak öp chūök meh ṙātö-ellōnre.

 “20 samyeūheu rò-òten chū-ö öich öthěng tak vahë-eny nang tö inlahenre öich hanāichiṙen hēk timlöng alaha öich kēken ngam sex (sexually molested), lökten chū-ö öich höng örheūheu öich haṙivlōn hēk höng vöö inrē. Unôichngöre pöri ngaich chū-ö öich vënyö ṙô ellōnre in öp töhěng tak holre, ök chūök chu ṙātö-ellōnre, ngaich chumkūöṙen anga-aṅ nö hangihtö ṙô chu. Öt heuveū-eu ṙô chin öich vënyö ngam inlahenre hē e öich höhlö.”—Ilif, Turkiyē.

 Ngö ṙô ön ngam Paipöl: “Pehtö nup taṙòkhöre pinṙūtölōn yīö, in Ò; tön Anga-aṅ an töchumkūöṙen tö yīö.”—1 Pītör 5:7.

 Manah: Yē meh öm vë-ekūötēv, ngaich kô-en ngam Tēv nö hang ṙô meh. (Salmai 55:22; 65:2) Chumkūöṙen anga-aṅ tö meh hēk kētö ṙinātö-ellōn meh min inrē tö meh öm pōiṙāi imat ò.

 “Kūönngöre ngam miṙivlōn chu hē chu öich haköp inlahen Yāvē. Keuheūtnyö ṙô ellōnre chin ngaich töngamuh öich vë-eny nang ò sā inlahen öp hol chu anga-aṅ öp tö keuheūtlöre mikahkūö tö inlahen chu.”—Ëna, Pēlis.

 Ngö ṙô ön ngam Paipöl: ‘Yāvē, më-eṅ pöri min kamhòklökui yip kūönyōich, hòṅ ngòh töng rö-öv tarik aṅ ing panam nö öt hēk min nö pinhë-elkūö ò.’—Salmai 10:17, 18.

 Manah: Kēngen minë tö sitih ötlinëken më kikānö ön min ngam Tēv.

 “Hē chu ngaich akahakūö tö Yāvē min nö kēngen minë ötlinëken më yöngnyīö hēk tö më kikānö, ngaich sā tö le-ënö chū-ö. Teūngen chū-ö tö hanöhlöre.”—Ròpöta, Meksikō.

 Hòṅ mikahtökūöre öm tö ngam maheūkkö hī imat ngam Paipöl, kūö yòh mihôiṅ öm ṙātö-ellōnre in nup kinlēngô aṅmat e hēk sitih inlahen më Vamënyen Yāvē yěn kētö inreuskö alaha nö löknyö mat ngam Paipöl? Yěm hòṅ, ngaich mihôiṅ öm vë-ekūö öp tarik kamë-ekūö meh tö ngih lipöre. Öthō öp min nö kē ṙāi re nö meuk kūö meh.

 Taōnlōtlö öp kòpi ngih ātiköl öp tö mihôiṅ nö prinnyu.