Neiʼpian yopoto aʼta mekanosan?— Opoto Papa niniondaʼpo yopoto moʼko. Moʼkoʼwa yopotomarï ro tïaʼro nono ïpoamba poʼcho neròten wèʼchopo me. Ambòre uputïrï seʼpa ma ènï ro iʼya yopotomarï poko?—

Amu yopoto tïwèʼchopo tanokon kariʼniakon yopotomano. Mupusan ro nòʼkï Opoto Papaʼwa yopotomarï tano Yopoto me yeijï?— Jesas Krais moʼko. Kapu ta kïnemainian. Shèrïmero, paʼpororo nono kuʼpo omandonon Yopotorï me kïneian! Mekanosamba towaʼpòre komamïrïkomba tïaʼroro nono yopotorï me Jesas wèíʼpio mero?—

Towaʼpòre pane ròten kïseiatomba! Moro poʼcho, shèrï wèʼchopo ta yoiyenònòpïrïkon kapïn ambòre kariʼnia ma, ijòseʼpa yoòrïkon kapïn ma. Paʼpororo otapokume kïnemainiaton. Amuro anïʼtarï kapïn ma, ijòseʼpa jombïrï kapïn ma. Moʼko ènupïn kïnoʼposamba, moʼko pianapïn eropa ouranano etanomba. Moʼko chopïnïmbo tokaʼne kïneramaposan, kïnaʼpurumbosan eropa. Paʼpororo niemban ereparïkon ma. Nòʼkangon eropa osekaro kïnoiniambaton, kïmïaroinie eropa kïnoiniambaton. Jombïʼmasan kïnawòmïʼmatomba eropa omainie Ènï karetaʼme ta owòmepaʼmatoʼkonïmbo, ijowane Rebeka, Rehab, Tèpiti, Eraja, kïnawòmïʼmatomba eropa omainie! Enèrïkon seʼparo ma yòpïʼmasamba mero?—

Choʼpo Jehoba apokurume ma, towaʼpòre eropa owèíshe ma. Ororo pioko owòmeparï yako, amïʼcharï yako eropa oʼwa, oronomero owemainiapa moro poʼcho pane ròten, shèrï wèʼchopo ta! Moro sero ma?—