Oro kïsupusen amu koromono kariʼnia poko, tïkaʼtopo worïmanombopa epatomanenïmbo. Moʼko chaʼtopo ètï me tïweiye ma Par, owin amu tokatakanome worupïa Jesas nimiokïʼpombo. Moʼko koromono kariʼnya ètï onuputïʼpapai kïtaton, morote kïsupusatomba mondo òtï poko ètïʼkaʼpa yèíʼpiombo. Òtï poko yèíʼpiombo etase ma?—

Jerusarem po Par parekesi ta tïweiye ma. Jesas poko yòrupïarï ke taruʼkapa yèíʼpiombo ma. Amukon yaangon kariʼniakon choʼpo Par yenonosaton, ijòkero oʼto yaame ïrïpïa poko tïwòrupïaʼmainie mandon. ‹Oro moʼko woótonon yopotorïʼwa kïtòturupïosen tïpïoʼchòrïkonʼwa Par eneʼtòʼmepa iʼya moro wòrupïatopo èʼtï taka. Kïtotonemïsemba moro oma apòricho, ijombote Par wepatorï mero kisiyosemba!› tïka mandon.

Moro paʼme yèísheinie yeijïkon totapa Par patïmïʼwa ma. Oʼto jòke tïweiye na? Moro parekesiʼwaro Parʼwa ekarishepa tïto ma. Imieroro Parʼwa tïmïose yèíʼpio ma moʼko woótonon yopotorïʼwa oʼto tïwèísheinie yeijïkon ekariʼchoʼmepa iʼya. Takurepa mekanosan Par patïmï euranarï wèíʼpio moʼko woótonon yopotorïʼwa?— Uwa, amu yopotopa kombaijo moʼko. Par patïmï te ètïʼkaʼpa tïweiye ma. Moʼko yopotoʼwa nekarichïʼmatomba.

Juʼpïa oʼto tïweijï upusamba moʼko woótonon yopotorï. Par eiyomatòʼme, 500 paʼme tïpïoʼchòrïkon woótonon aembo iʼya tïye ma! Mororo koko iʼya Par taropopa iʼyainie ma Ceseriaʼwa. Topatomaparo jòke Par yèíʼpio na?— Ëʼhë, òniyoʼpapai moʼkaron yaangon kariʼniakon tïweiye mandon! Oronge ròten tïweiyepa mandon.

Òtï poko mòmepanopa ènï onetaʼmaʼpo weinio?— Amoro eropa ètïʼkaʼpa meiapa, Par patïmï wèíʼpiombo paʼme. Ètïʼkaʼpa kïwèísheiniepa kïtaton Jehoba poko kouranarïkon yako amukonʼwa. Ètïʼkaʼpapai wane ma ekemaʼpamboto ròten oweuranatòʼme Jehoba poko?— Moro paʼme oyaʼta, ambïako amumbo emamïrï mepatomayepa.