Timoti koromono weiniomboro apokurume amukon epatomarï tïweiye ma. Apïimie weʼchoʼkonʼwa tïtopotïʼma yèíʼpio ma amukon epatomatòʼme. Moro paʼme tïwèíʼmiaʼpo kero choʼpo towaʼpòre tomamïʼma ma. Uputïrï seʼpa pioko ma?—

Ristïra tòtïnen amenari ta Timoti tïwètuwaroʼma ma. Iʼmiembo weiniomboro, niotï Luisi maro shano Yunisi, Jehoba poko emeparï poko tïwotapoiye mandon. Ijòkero tïpumarï wararo, Timoti Jehoba uputïrï poko amukon epatomase tïweiye ma.

Koromonome noro Timoti aʼta, Paul tïwòturupïo iʼya ma tïmïaro ichopotïrï poko wòrupïa amukon pòre weʼchoʼkon taka. Tïtosero tïweijï tokarishe iʼya ma. Aembo tïwèíʼpiopo ma amukon epatoma tïtorï poko.

 Paul maro jòke Timoti tïto ma Tesaronikaʼwa, amu Masedonia tano amenari. Moro weʼchopo epotòʼme moé pane ròten tïto mandon tïpupurukon poko, ijombote iʼyainie pato tapoiye ma. Tïtundaʼmasan mero, apïimie amukon topatomaʼma iʼyainie ma Jehoba poko yòmeparïkon poko. Amukonïmbo te, choʼpo kiniyenonosaton, oʼto ïrïseiniepa tïweiye mandon. Ijòkero Paul maro Timoti amukon pòre weʼchoʼkonʼwa wòrupïa tïtoʼmainiepa mandon.

Nunokonïmbo paʼpopo pòre, Paul Timoti mosan eropa Tesaronikaʼwa neiara pòre moʼkaron tïwatonon Jehobaʼwanokon weijï ene. Ètïʼkaʼpa roʼkon te, Timoti tïwèíshe ma moʼkaron yaangon yamenarijïʼwa tïtotòʼme eropa. Tïtoro te yèíʼpio ma, neiara moro ponokon tïwatonon weijï uputïsepa kombaijo ma. Tïweramaʼpopa mero juʼpïn ouranano tokarishe iʼya Paulʼwa piokoinie ma. Juʼpïa icharïkon, tokarishe iʼya ma!

Apïimie sirichokonïmbo poko, Timoti Paul maro wòrupïa tïtopotïʼma ma. Owiʼniome Paulʼwa tïmero yèíʼpio ma Timoti nero juʼpïn tinimioʼpotïrï me amukon mèʼme wèʼchoʼkonʼwa tïwatonon panaʼtomatòʼme Jehobaʼwa yeijïkon poko. Choʼpo Timoti apokurume Jehoba tïweiye ma, amukon eropa.

Oyapokurumero wane amukon na, epatomaseiniero ma Jehoba uputïrï poko iʼyainie?— Moro paʼme oyaʼta, choʼpo towaʼpòre owemainiapa, Timoti wèíʼpio paʼme roropa!