Otï ijomboro chohonokon juhïn onïrïkomba oʼmakonʼwa? Apïimie ishepa yeʼchoʼkon ma, ijowane tapokurume oʼwainie tonerïkon, tomeparïkon tomamïrïkon upuʼtoʼme, toiyomarïkon eropa yaʼan weinio. Ijomboro chohonokon te, onïrïkomba oʼmakonʼwa hero Jehoba poko emeparïkon oʼwainie, Paipïrï tanokon ipioronokon poko eropa. (John 17:3) Apokurukonme joke Jehoba kïneian, oseke eropa Iʼya tïwokunamase kïneiaton iʼmiembo weiniomboro.​—Matthew 21:16.

Apïimie mïtuwaroʼmanamo kïnupusatomba saniʼmie tomeparïkon yako iʼmiakonïmbo apokurumepa yeijï. Naʼna apokurume joke ma, enï karetaʼme Paipïrï poko wïomepatopo ekïrïho emepatoʼkonʼme. Morokon ichano womepatoʼkon tïmero takure omepatoʼme ma. Oruwa siricho weʼchonon ijoseha amonoʼkangonʼwa uputïrï paʼme enï kareta tokïrï ma, morokon uʼkuʼmasan eropa. Oʼto yeʼchoʼkon meropotïho eropa icha ma. Iʼmiakonïmbo woiniambatopo kapïn moro Paipïrï poko wïomepatopo karetarï. Oʼmakon maro onerupïarïkon te moro, oyapokumanamo miaroinie oworupïatoʼkonʼme.

Enï karetaʼmeʼwa owepatomarïkomba upusamba naʼna oʼmakon emeparï yakoro oʼwainie iʼmiakonïmbo weiniomboro.​—2 Timothy 3:14, 15.

Opijïan naʼna,

Jehoba poko Worupïatonon emamin enenamo