Part 6
Òtï poko kïtòmepaton moro opoto tuna kunu weinio?
Opoto Papaʼwa moʼkaron yaangon tïwoʼmainiepa mandon, morote Noah tasakarïkon maro iʼya topatomapa ma. Genesis 7:11, 12, 23
Konopo tïwòsepa ma 40 kuriʼcha paʼme, 40 koko eropa, ijomboro jòke moro nono tuʼmïʼkapa iʼya ma. Ijomboro moʼkaron yaangon kariʼniakon tïrombïʼmainiepa mandon.
Moʼkaron yaame èíʼmiasamba ònèpïngon kariʼnia ròʼnèrï tïsoʼkaʼmapa eropa iʼyainie ma, ijombote yoroʼkangon me tïwèíʼmiainiepa mandon.
Moʼkaron pato ta èíʼmiasan tïwòsepatomapa mandon. Oronge ròrïpïo aijenasen pòre Noah tasakarïkon maro jombïʼmasamba seʼme, Opoto Papa kïnèʼnèpïʼmatomba eropa oronome tomamïrïkonʼwa yòʼpòtïrïkonʼwa.
Opoto Papa moʼkaron yaangon woʼmanomba eropa, moʼkaron juʼpïngonïmbo epatomanopa te. Matthew 24:37-39
Setan maro moʼkaron yoroʼkangonïmbo kariʼnia èmuʼmarï aroaton noro.
Erome, Noah yako yèíʼpiombo paʼme roropa, apïimie amukon moro juʼpin neròten Jehobaʼwa aroponoʼpotopo toʼkaʼmaton. Shèrïmero Jehoba ijomboro moʼkaron yaangon woʼmanomba.—2 Peter 2:5, 6.
Amukonïmbo kariʼniakon Noah wèíʼpiombo paʼme mandon. Opoto Papa euran etaton, icharï paʼme eropa mandon. Moʼkaron hero Jehoba poko Wòrupïatonon.
Ambïako oyapokurume eropa ma
TÏPÏIMIANGON MARO TAKARARAMON PÒRE KARETAKON
Noʼkï ne enï weʼchopo yopotomano?
Opoto Papa Karetarïʼwa moro èyukuʼpo ambïako owenuminganoʼpoamba. Oʼtonoʼme tuputïsepa moro weijï upuʼko, oʼto ichaʼpome yeijï eropa kuwaponokonʼwa.
