Part 4
Setan euran iʼyainie tota ma—Òtï moro weinio tïwòpïʼmïapa na?
Adam maro Eve Opoto Papa onamïʼchaʼpapai tïweiye mandon, ijòkero tïrombïʼmainiepa mandon. Genesis 3:6, 23
Eveʼwa tamïʼcha moʼko okoyu euran ma, ijombo moro wewe epèrï enapïipia. Ijombote, Adamʼwa iʼya amu tïye ma, moʼko eropa amu enapïipia.
Oʼto yèíshan yaame ma—wotanïʼmaʼpopa moro. Ijòkero te, Opoto Papaʼwa tïpïaʼkanoʼpomapoiniepa mandon moro poʼcho yèʼchoʼkonïmbo weinio.
Tope emamïrïkon iʼyainie tïweiye ma, iʼmiakonʼwa eropa. Tambarame tïwèíʼmiainiepa mandon, ijombo tïrombïʼmainiepa. Choʼpapai tïweiye mandon moʼkaron ònèpïngon emandopoʼwa; tònure watï ambòre tïweiyepa mandon.
Moʼkaron jombïʼmasan moro nono paʼme roropa tònure watïpai mandon. Genesis 3:19
Kïromosaton moro kombaijo ijomboro Adam maro Eve weinio tïwòse kïtaton. Moʼkaron jombïʼmasan òtïro enèrï kapïn iʼyainie ma, òtïro etarï kapiïn, ijòseʼpa òtïro poko yeijïkon kapïn ma.—Ecclesiastes 9:5, 10.
Jehoba kariʼniakon rombïrï seʼpapai ma. Moʼkaron tïrombïʼmasan ta wòʼnïʼtonon enèpïʼmanomba eropa emamïrïkonʼwa. Euran etarï yako iʼyainie oronome kïnemainiatomba.
