Part 13
Oʼto kïwèísheiniepa kïtaton Opoto Papa ïpïotòʼme?
Choʼkaʼmakopa yaame weiniokon. 1 Corinthians 6:9, 10
Kapokurukon me Jehoba aʼta atoʼkangon poko kïweijïkon kapïn ma.
Jehoba kïmonatarïkon seʼpapai mia, ijòseʼpa kïwòʼchïmïrïkon seʼpapai mia. Yaame òpianokon aʼkuru seʼpapai eropa kïʼwainie ma kïtïmbotoʼkonʼme.
Opoto Papa atoʼkepa ma tïwato wòrïpïa amuʼwa, tuwimbo tano tïʼme wòrïpïa worïiʼya, tïwatombo maro osepoko wèʼchoto eropa. Amombe kïweijïkon seʼpapai mia, ijòseʼpa amukon maro kïwoòrïkon seʼpapai mia.
Èkïrïʼmasanʼwa kïwòkunamarïkon seʼpapai kïtaton, ijòseʼpa aʼta pïai emaminjon poko kïweijïkon seʼpapai kïtaton.
Moro nono kuʼpono woʼtotoman shèrï wèʼchopo ta moʼkaron yaan poko wèʼchonon wèʼchopo uwaro kïneiamba.
Juʼpïngon poko èʼcho. Matthew 7:12
Opoto Papa apokurume kïwèʼchoʼkonʼme kïwèʼkuseiniepa kïtaton emèrïkon paʼme kïweijïkon poko.
Oyapokurume amukon weijï enepoko juʼpïa amukon poko oweijï pato, amoʼma oweijï pato eropa.
Taʼro èʼcho, òmuʼmatoʼpa eropa.
Amukon pïne èʼcho, oro ròten eropa ïpïokopa oʼto òyïrïʼpïo.
Ekariʼcho amukonʼwa Jehoba poko, emèrïkon poko eropa.—Isaiah 43:10.
Ambïako oyapokurume eropa ma
Naʼna poko
Oʼtonòʼme Opoto Papa Karetarï poko owomepasepa ma?
Opoto Papa Karetarï omano ta tuputïsangon pane ròten eyuʼtoʼkon ïan òʼwin yatï kariʼniaʼwa wèʼchopo wararo. Òʼwin amu moʼkaron me oweijï seʼparo ma?
