Bethel amu Hebrew euran tano òtïano moro, ‹Opoto Papa èʼtï› ichaʼpo moro. (Genesis 28:17, 19) Amu juʼpïn òtïano moro Jehoba poko Wòrupïatonon naʼkurukon oʼtokonʼwa nono wararo, moro wòrupïano omaminiano aropotoʼkon, epatomatoʼkon eropa. Moʼkaron nono wararo wòrupïano emamin enenamon New York State, U.S.A. pono Bethel ta kïnemaminiaton. Moro weʼchopo eatongon mondo ma apïmie weʼchopo ta. Tomandoʼkon weiniomboro moʼkaron nono wararo enenamon morokon po omaminiatononʼwa emaminjon upuʼpoaton. Bethel po omaminiatonon koʼmaton Bethel asakarïkon me. Otasakakon paʼme kombaijo kïnemainiaton, osekaro kïnemaminiaton, kïnòrepanosaton, kïnòmepaton eropa Opoto Papa Karetarï poko.​—Psalm 133:1.

Moro weʼchopo watonon uwaro ma, òʼwin otasaka paʼme icha omaminiatonon, oseke nasen oseneʼpa weʼchonon. Bethel-kon wararo Jesas wekenanamon kariʼniakon maro worïiangon moropo kïnemaminiaton, tïaʼro eíʼmiasamba moʼkaron Opoto Papa ishe yeʼchopo poko tïweijïkonʼwa, iʼya Yopotomarï epatomarïʼwa eropa. (Matthew 6:33) Topema poko emaminiaʼpa mandon moropo, moroporo te kïnemainiaton, kïnòrepanosaton eropa, asiʼcho eropa pïrataʼmïmbo amu epoaton tinishanorïkonïmbo epetïme. Ijomboro Bethel po omaminiatonon nipiokonomarïkon mondo ma, ambïako kareta poko omaminiatopo ta, wètumaʼmoʼkatopo ta, ijoseʼpa wòrepanoʼtopo ta. Amukonïmbo kïnemaminiaton kareta merotoʼkon ta, ijoseʼpa osepoko kareta apoiʼpiotoʼkon ta. Amukon roten te, oʼto kurichanamome mandon, woshaʼwotonome, òtïkon wotanïʼmaʼpo kuraʼmanamome, ijoseʼpa amukon roten tïpokonomamïngon poko weʼchonome.

Tomaminie neroten weʼchopo moro, moro Yopotomarï poko wòrupïano epatomanen. Paʼpororo Bethel-kon ta omaminiatonon nishanorïkon me ma nono wararo kariʼniakonʼwa Opoto Papa Karetarï tanokon upuʼporï. Ènïro kareta hero òʼwin amu upuʼpotopo. Moʼkaron Nono Wararo Wòrupïano Emamin Enenamon nimieroporïkon moro. Computa pato apïmie weʼchoʼkonʼwa kinimiosaton moʼkaron amukon roten ouranano taka iʼpietakamanamonʼwa. Koí neroten karetakon meronamon sipiararichonʼwa kinimieropoaton karetakon èkïrïtoʼkon Bethel-kon po, ijombote kïnaropoaton morokon 110,000 koʼpo Jehoba poʼchorïkon Woseʼnanoʼtoʼkonʼwa. Erokon paʼmero joke, moʼkaron Bethel ta omaminiatonon moro tïsan pane roten omaminiano epatomaton​—moro juʼpïn ouranano ekarichïrï.​—Mark 13:10.

• Noʼkan Bethel ta omaminiatononme nandon, òtïkon ta eropa topatomarïkon epoaton moropo?

• Òtï tïsan pane roten omaminiano epatomaton paʼpororo Bethel-kon ta omaminiatonon?