Opoto Papa tomambore, towaʼpore eropa komamïseinie ma poʼcho sherï weʼchopo ta oronomero!

Ambïako te mïkaye, ‹Neiara te moro neiamba?› Tïkaretarï ta Opoto Papa kïnekarishan tïʼwa Yopotomarïʼwa moro ïporïpïa. Ishe yeʼchopome eropa ma ijomboro kariʼnia wòmeparï tïʼwa Yopotomarï poko, oʼto kokatakainie yeijï poko eropa.​—Psalm 37:11, 29; Isaiah 9:7.

Opoto Papa juʼpïn se kïʼwanokonme ma.

Ijowane juʼpïn yumïnano juʼpïnïmbone se tïʼmakon ekataka na, moro paʼme roropa kapu tano kïyumïkon oronomero towaʼpore komamïrïkon eporïse kïʼwainie ma. (Isaiah 48:17, 18) ‹Moʼko Opoto Papa ishe yeʼchopo poko weʼchoto oronomero nono kuʼpo yoiniorï,› tokarishe iʼya ma.​—1 John 2:17.

Opoto Papa tomarï ta kïtoseinie ma.

Opoto Papa Karetarï ïngano Kòkïrïnamonïmbo ‹komepaseinie ma tomerïkon poko tomarï ta kïtotoʼkonʼme.› (Isaiah 2:2, 3) Aembo iʼya tïrïʼma ma ‹amukon kariʼniakon tòtïʼwano me› ishe tïweʼchopo upuʼpotoʼme iʼyainie tïaʼroro nono ta.​—Acts 15:14.

Opoto Papa òʼwin otasaka paʼme kïweísheinie ma tïʼwa kïwokunamarïkon ta.

Moro churipiïn Jehobaʼwa wokunamano tïyenonoke amukon ònïpoʼpapai ma, otapokume te kïnïpoaton òʼwin otasaka paʼme. (John 13:35) Noʼkan erokonme kariʼniakon maro worïiangon emepaton weʼchopo wararo Opoto Papaʼwa yeijïkon poko òʼwin otasaka paʼme? Ènï kareta pato naʼna moro upuʼpose oʼwa ma.