Choʼpo naʼna apokurume ma ènï kareta eneʼmaʼpo poko oʼwa juʼpïa nekatu Jehoba poko Wòrupïatonon poko uputïʼpo ke oʼwa, òtïkon naʼna emaminjonme yeijï poko eropa, neiara eropa aembo ïrïʼmasan kariʼniakonme naʼnaʼwa tomamin arorï. Eromero Jehoba ishe yeʼchopo poko weʼchononme naʼna weijï uputïʼpopa oʼwa amïʼchanopa naʼna. Ororo Opoto Papa poko owòmeparï poko naʼna oyapokumano, oyasakarïkon maro opanarïkonʼwa eropa ekariʼcho owòmepatoʼkon. Wòmepa naʼna woseʼnanopïrïʼwa eropa ekemaʼpa chopoʼko.​—Hebrews 10:23-25.

Ambore owòmeparï mero Jehoba poko, apokurume pane roten oweijï muputïʼmaiye. Mororo te ijombo oyapokumanopa oyapokurume eropa Jehoba enetoʼme oʼwa. (1 John 4:8-10, 19) Neiara katu oyapokurume Opoto Papa weijï menepoamba ekemaʼpa roten? Oʼtonoʼme omenanokon poko iʼya òmepatoʼkon amïʼcharï juʼpïa owepatomanopa? Òtï eropa owepatomanopa Opoto Papa ishe yeʼchopo poko oweijï poko naʼna maro? Opoto Papa Karetarï poko owemepanen apokurumepa ma èyuʼtoʼkon eporï poko owepatomarï, oyasakarïkon maro ‹owosenatoʼkonʼme ororo Opoto Papa apokurume oweijïkon ta, . . . oronome omanoʼwa owoʼpotïrïkon ta.›​—Jude 21.