Oʼtonoʼme mowan kariʼniakon choʼpo towaʼpore nandon? Òʼwin amu opoto naʼna woseʼnanopïrïʼwa tïwopïʼmainie mandon. Penaro yako Opoto Papa poʼchorïkon apokumasangonïmbo paʼme òruwamboto òʼwin siricho ta yoseʼnanopïrïkon poko, naʼna eropa opotonon woseʼnanoʼnokon po tïwoseporï poko tuwaro ma. (Deuteronomy 16:16) Ekemaʼpa siricho naʼna òruwa opotonon woseʼnanoʼnokon ïan: okomboto òʼwin kuriʼcha weʼchonon, òwiʼniome te òruwa kuriʼcha weʼchoto. Neiarainie opotonon woseʼnanoʼnokonʼwa naʼna wïtorï naʼna epatomano?

Ambore Krais wekenanamonme otapokume naʼna weijï ïpoʼmapoan. Ijowane moʼkaron Isrerï ponokon choʼpo tïweíʼmiainie nandon nuse Jehoba ïrï yako tïʼwainie tïwoseʼnanopïrïkon po, moro paʼme roropa naʼna choʼpo osekaro kïneian iʼya tïwòkunamarï yako erokon opotonon tïwoseʼnanopïrïkon po. (Psalm 26:12, footnote; 111:1) Erokon poro naʼna apïmie tïweʼchopo ponokon Jehoba poko Wòrupïatonon maro kïnosepoan, amukon roten weʼchopo ponokon maroinie eropa. Tïwoseporïʼmaʼpo poro juʼpïa noro naʼna kïnòtuputïʼmano osekaro tïwòrupïarï ke tïwòrepanopïrï yako kuriʼchane aʼta, choʼpo joke towaʼpore weinio ma ènïkon Opoto Papa poko wòmepanokon po. (Acts 2:42) Osekero joke naʼna neiara otapokume tïweijïʼwa òʼwin otasaka paʼme tïrï enean tïaʼroro Jehobaʼwanokon maro.​—1 Peter 2:17.

Juʼpïngon noro Opoto Papa panarïme naʼna weijï poko naʼna epatomano. Moʼkaron Isrerï ponokon apokurukonme neroten juʼpïa tïʼwainie Opoto Papa euran upuʼpoʼmapoʼpo tïweiye ma. (Nehemiah 8:8, 12) Naʼna apokurume eropa Opoto Papa Karetarï poko tòmeparï ma morokon opotonon tïwoseʼnanopïrïkon po. Yararoinie morokon niekarichïrïkon Opoto Papa Karetarï weinionokon morokon. Amukon meʼme me neiara yotaʼkuru ekarishaton, neiara tïʼwainie aʼkuʼmaʼpo enepoaton eropa, ambore joke neiara Opoto Papa ishe yeʼchopo aʼkuru poko kïnòmepano naʼna tomamïrï ta. Naʼna apokumano eropa tïwatonon Krais wekenanamonʼwa èʼchepïʼmaʼpame tuʼkutoʼkon patorï etarï erokon topangon neroten kuriʼchakon yako. Moro òruwa kuriʼcha woseʼnanoʼno po Opoto Papa Karetarï tanokon amu enepoaton, neiara yewoʼmïndoʼmasangonïmbo paʼme kïnewoʼmïndoaton, yeíʼmiasangonïmbo uʼkuaton eropa amu kïwòmepatoʼkomba enepotoʼme yeinioinie. Ekemaʼpa roten morokon opotonon woseʼnanoʼnokon po Opoto Papaʼwa tomamïrïkon ïrïʼmanamonïmbo uʼmïʼkaton iʼya yeíʼmiasamba enepotoʼme.

• Oʼtonoʼme morokon opotonon woseʼnanoʼnokon towaʼpore weʼchopome na?

• Neiarainie owepatomano opotonon woseʼnanoʼnokonʼwa owïtorï?