Paʼpororo Jehoba poko Wòrupïatonon Woseʼnanoʼtoʼkon èʼtï Jehobaʼwa wokunamatopo èʼtï morokon. Ijokero tope naʼna kïnèʼkuan churiʼpia enarï poko, tïwonapore eropa, iʼya naʼna wokunamarï eaton ro kombaijo moro. Tïkuraʼmasepa enerï yako eropa naʼna kinichuraʼmano. Paʼpororo kïtosepatomatomba ènï omaminiano poko.

Woʼchurichano poko kïtosepatomaton wòmepa kïwoseporïʼmasan paʼpopo. Tïwòmepaʼmasan paʼpopo Jehoba poʼchorïkon tïwoseʼnanoʼtoʼkon èʼtï kurichaʼmatomba. Ekemaʼpa sundaka te, ambore juʼpïa kinichurichaton. Amu onenen ijoseʼpa amu epaton moro omaminiano enean ijomboro òtïkon tïpokonomase weʼchonon maʼkarï ponaroro. Takorokasepa jarï aʼta kïnakorokaton, kiniʼchonaton, kinichurichaton eropa. Juʼpïa eropa wotandïʼmotoʼkon ïrïʼmatomba, uwekatoʼkon kurichaʼmatomba eropa. Woʼpoʼtopo penarï kurichaʼmatomba, wosenetoʼkon sipikirichon eropa. Akïrïkonïmbo papïʼmatomba, iʼchuʼpo eropa moro oʼto kurichaton, juʼpïa eropa piïrororï enaton. Owiʼniome te òʼwin siricho ta opoto woʼchurichano poko mandon. Mondo amukon tïpokonomamïngon omaminianokon ma iʼmiakonïmbo nipiokonomarïkomba. Moropangon poko enaporïkon ke kïʼwainie, nuse kïwokunamatoʼkon eʼtï enerï poko iʼyainie kïsemepaton.​—Ecclesiastes 5:1.

Epatomatoko tïkuraʼmasepa weʼchonon kuraʼmarï poko. Ekemaʼpa siricho, juʼpïame moro Woseʼnanoʼtopo èʼtï mengaton icha, iʼchuʼpo eropa. Neiara eneʼmaʼpo poko tïʼwainie, koíjo pore churaʼmapotïrï poko mandon juʼpïa meʼme enatoʼme, choʼporone pïrata onaʼkuʼpa tïweʼchoʼkonʼme churaʼmarï poko. (2 Chronicles 24:13; 34:10) Churiʼpia, juʼpïa tonamïn Woseʼnanoʼtopo èʼtï juʼpïa ma Opoto Papaʼwa kïwokunamatoʼkonʼme. Ènïkon omaminianokon ta tïweijï patoro naʼna choʼpo tapokurume Jehoba weijï enepoan, iʼya wokunamatopo èʼtï eropa. (Psalm 122:1) Ènï paʼme tïaʼta eropa naʼna juʼpïnmepa tïwokunamatopo enepoan tïweʼchopo ponokonʼwa.​—2 Chronicles 6:3.

• Oʼtonoʼme tuwaroʼpapai kïweijïkon seʼpapai kïtaton kïwokunamatoʼkon èʼtï poko?

• Neiara òtïkon aembo tïrïʼma na churiʼpia meʼme kïwoseʼnanoʼtoʼkon èʼtï enatoʼme?