Owotupijïseʼpa ma ambore Opoto Papa Karetarï tanokon upuʼtoʼme oʼwa? Mondopa wane Opoto Papa Karetarï ta oʼtone iʼchaʼpo poko uputïsepa oweʼchopo na, ijoseʼpa amu poko, ijoseʼpa amu weʼchopo poko, ijoseʼpa mondo òtï poko? Ijoseʼpa onumingapïnro amoro Opoto Papa Euranʼwa koʼye owepatomarïpïa òtïkon opokonokon poko? Naʼna woseʼnanoʼtopo èʼtï tanokon wotupichopo karetarïkon joke eneko owotupichoʼme uputïse oweʼchoʼkonïmbo poko.

Opatomatoʼkon pane roten wotupichoʼkon ichainie ma. Ambïako uwapai paʼpororo Jehoba poko Wòrupïatonon nimieroʼmasan Opoto Papa Karetarï poko ekariʼniamon karetakon oweuran ta ma. Kïwoseʼnanoʼtoʼkon èʼtï tanokon wotupichopo karetarïkon ta te tïaʼropa pore morokon sherïme mieroʼmasan karetakon ma. Ambïako amukon roten pore nimieroʼmasan Opoto Papa Karetarïkon mondo eropa moropo ma, amu juʼpïn eropa takure ourananokon ekariʼnien kareta, amukon roten pore eropa opatomatoʼkomba òtïkon poko ekariʼniamon karetakon. Oʼto watï morokon karetakon aʼkuru oʼwa ma woseʼnanoʼnokon uwapo, piaʼpopo eropa. Moro kareta pasichotopoʼwano computa moropo aʼta ambïako Watchtower Library (Watchtower Karetarïkon) icha tapoiʼpiopa ma. Naʼna karetarïkon apoiʼpioʼmapoʼpo icha ma, takure taʼkumïn wotupichopo moro, uputïsepa oweʼchopo ijoseʼpa Opoto Papa Karetarï tano poko owòturupïotopo upichopopa oʼwa.

Juʼpïa neroten moʼkaron Komamïrïkon maro Kïwòrupïarïkon Emaminʼwano Wòmepatopo ta wòmepatonon epatomanopa. Juʼpïa owepatomanopa moro kïwoseʼnanoʼtoʼkon èʼtï tanokon wotupichopo karetarïkon aʼkuru oʼwa aembo onekarichïrï ïrï poko. Moʼko Komamïrïkon maro Kïwòrupïarïkon Emaminʼwano Wòmepatopo enenen morokon karetakon enenenme eropa ma. Moʼko nenerïmero ma mondo morokon sherïme epaʼkaʼmasan kareta moropo yeijï, juʼpïa tïkuraʼmaʼmaʼpopo yeijï eropa. Moʼkoro, ijoseʼpa Opoto Papa Karetarï poko owemepanen neiara morokon owotupichoʼkon eporï enepoamba oʼwa. Morote, kïwoseʼnanoʼtoʼkon èʼtï tanokon wotupichopo karetarïkon arorïpïa kapïn oʼwa ma. Juʼpïa roʼkon eropa te, morokon karetakon kïʼwainie tonase ma, chakaʼmarïkon seʼpapai kïtaton.

Opoto Papa poko upuʼtoʼme kïʼwainie kïweíshe kïweijïkon ta Charetarï ta upishe kïtaton ‹topenangon neroten onamïʼmaʼpo› upijï paʼme kïʼwainie. (Proverbs 2:1-5) Moro kïwoseʼnanoʼtoʼkon èʼtï tanokon wotupichopo karetarïkon owepatomanopa owotupijï apoiʼpiorï poko oʼwa.

• Òtïpangon wotupichoʼkomba mondo na kïwoseʼnanoʼtoʼkon èʼtï ta?

• Noʼkan owepatomanopa juʼpïane morokon kïwoseʼnanoʼtoʼkon èʼtï tanokon wotupichopo karetarïkon aʼkuru poko oʼwa?