Tïkaretarïkon èkïrïan naʼna 750 koʼpo amukon meʼme ourananokon ta, ‹paʼpororo weʼchoʼkonʼwa, amukon meʼme ouranano ta weʼchonon kariʼniakonʼwa› juʼpïane moro ‹juʼpïn ouranano› upuʼpotoʼme. (Revelation 14:6) Neiara naʼna ènï topan neroten omaminiano poko na? Topatomarï ke moʼkaron nono wararo naʼna karetarï meronamome niondaʼmasanʼwa, apïmiepa pore neroten eropa einiaʼma tomaminjon apoiniamon amukon meʼme ouranano taka mieroʼpo ʼpetakamanamonʼwa​—paʼpororo Jehoba poko Wòrupïatonon moʼkaron.

Angeresi euran ta nasen morokon karetakon meroaton. Moʼkaron Nono Wararo Jehoba poko Wòrupïatonon Emamin Enenamon moʼkaron tomandoʼkon Bethel po weʼchonon Kareta Merotoʼkon enenamonʼwa òtïkon tïmerose yeijï ekarishaton. Moʼkaron Kareta Merotoʼkon enenamon te ijombo Bethel po mieronamonʼwa, amukonïmbo Bethel eatongon po mieronamonʼwa eropa òtïkon merorï ekarishaton. Amukon meʼme weʼchoʼkon weinionokon mieronamon weijï ke, tïweʼchopo ponokon emerïkon uputïrï ke eropa tïʼwainie, juʼpïa neiara mierorï upusatomba amukon apokurume yeʼchoʼme.

Mieroʼmaʼpo aropoaton ijombo moʼkaron amu roten ouranano taka iʼpietakamanamonʼwa. Ijomboro mierorï juʼpïa ïrïʼmaʼpopa mero te, kinimiosaton computa pato moʼkaron amu roten ouranano taka ïnamonʼwa nono wararo. Moro amu roten ouranano taka ïrïʼpopa mero, Angeresi euran ta mieroʼpo paʼmero yotarï etaton, juʼpïa eropa tourangon ta yotarï. Juʼpïane nasen joke oʼto moro Angeresi euran wïkarï upusaton ipioro mierotoʼme tourangon ta.​—Ecclesiastes 12:10.

Computa aʼkuru pato koí nekatu mierorï kïnïsan. Computa kariʼniaʼpetakanme yeijï kapïn ma, oseke amu roten ouranano taka ouranano ïrï kapïn kombaijo iʼya ma. Morote, ambore koí amukon meʼme ouranano taka ourananoʼpetakamarï kïneian computakon aʼkuru pato, takure ouranano ekariʼchoʼkon kombaijo icha ma, takure mierorï ïponangon òtïkon eropa. Jehoba poko Wòrupïatononʼwa computa ta taʼkumïn tòkïrï ma MEPS me tïkoʼmamïn. Moro takaro te, apïmie hundred amukon meʼme ourananokon taka tinimieroʼmasan ïaton, ipioro ijombo moro wotuʼkumasan nondano moro ouranano meromaʼpo maro, aembo joke kïneian karetakon poko apoiʼpiotoʼme.

Oʼtonoʼme apïmie amukon meʼme ourananokon taka naʼna tïkaretarïkon ʼpetakamano, amukonïmbo ourananokon ta apïmie kapïn icha ouranatonon weijï seʼme? Jehoba ishe yeʼchopo kombaijo moro ‹paʼpororo amukon meʼme kariʼniakon wosepatomarï, ipioro eropa moro ipiorono uputïrï iʼyainie.›​—1 Timothy 2:3, 4.

• Neiara naʼna tïkaretarïkon meroan?

• Oʼtonoʼme apïmie amukon meʼme ourananokon taka tïkaretarïkon ʼpetakamano naʼna?