Opoto Papa Karetarï poko owòmeparï yako Jehoba poko Wòrupïatonon maro ambïako owòmepatopo karetarï juʼpïa mèrupïaʼmayepa owemeparï uwapo. Moro paʼme roropa oweíshe ma wòmepa naʼna woseʼnanopïrïʼwa owïtorï uwapo juʼpïane morokon tokarishangon apoʼchoʼme oʼwa. Ijokero, choʼpo juʼpïa ma kïkaretarïkon aembo ïrïʼmatopo kuriʼchanorï amu eporïʼpoto kïʼwainie, ijombo moro kuriʼcha yako meʼme pioko kïaʼtainie.

Owòmepatopo kurichanorï amu epoko, owe owòmepase oweijï eropa. Neiara aʼta juʼpïane okaretarï poko monuminganopa? Kokorone owemamin poko oweijï uwapo, koko aʼta ekatu oʼmakon woʼnïkïʼmasamba mero? Penatome okaretarï poko eíʼpia rorïpïo oyaʼta, nei charo paʼme pioko oweijï èkïrïʼmako, ijombo òtïʼwaro kïtoiʼpioroʼkapoi moro yako meʼme aembo okaretarï ïrï poko oʼwa. Poromupe yeíʼpio epoko. Èpïʼkaʼmakopa eropa ijomboro owenurimianamopa òtïkon, ijowane osiniarï, opiʼcharï, oweinia onaropotïrï oweuranatopo ro. Juʼpïa owopekatïrï ma owòmeparï uwapo tuwaroʼpa pore owotaʼkarïkatoʼkon poko oweʼchoʼme, jupïa nekatu joke Opoto Papa Karetarï poko owonumingatoʼme.​—Philippians 4:6, 7.

Oneporïʼmaʼpo èyuʼtoʼkon chakako, aembo eropa èʼcho amu èyuʼtoʼme oʼwa. Koromone nasen òtïne poko moro owòmepatopo wòrupïarï uputïʼmako. Eneko neiara moro yòrupïatopo ètï weijï, neiara eropa morokon tupurunomene mieroʼmasan woseʼwatomarï moro ètï wòrupïatopoʼwa. Juʼpïa eropa morokon uʼkuʼmasan eneʼmako mondo aʼta, moro eropa iʼmiatïrïme tuputïsangone poko wòturupïotoʼkon toyuʼpomïngon. Ijombo te, owimbiai morokon paragraph-kon èrupïako, upinio yoturupïotoʼkon èyuʼtoʼkon eropa epoko. Morokon paragraph-kon ta mieroʼmasan Opoto Papa Karetarï tanokon èrupïako, ijombo te neiara yotaʼkuru eneko moro owòmepatopoʼwa. (Acts 17:11) Èyuʼtoʼkon eporïʼpïo mero oʼwa chakako, èyuʼporï mero joke iʼyainie koí mepoapa èyuʼtoʼkon. Ijombo te, kïwoseʼnanoʼtoʼkonʼwa owïtoʼpo mero moiniasaʼroaro amu èyukuse oyaʼta, neiara oʼwa uputïʼmaʼpo paʼme èyuʼtoʼme oʼwa.

Ekemaʼpa sundaka amukon meʼme kïwoseʼnanoʼtoʼkonʼwa kïwòmepatoʼkon aembo ïrï ke oʼwa uwapororo, ambore noro Opoto Papa Karetarï tanokon muputïʼmayepa.​—Matthew 13:51, 52.

• Òtï owemerïme miniondano aembo kïwoseʼnanoʼtoʼkonʼwa kïwòmepatoʼkon ïtoʼme oʼwa?

• Neiara aembo meiamba amu èyuʼtoʼme oʼwa kïwoseʼnanoʼtoʼkon po?