Oʼtoro paʼme Jehoba poko Wòrupïatonon mupusan? Amukonïmbo naʼna ambïako oponaro omandononme ma, owemaminiarï akonokonme, ijoseʼpa owòmeparï akonokonme wòmepatoʼkon po. Ijoseʼpa Opoto Papa Karetarï poko tïwòrupïaʼma maroro naʼna omaro ma. Noʼkan ne te naʼna, oʼtonoʼme eropa amukonʼwa tïwòmepatoʼkon ekarishan naʼna?

Paʼporopa pore amukon roten kariʼniakon paʼme roropa naʼna ma. Amukon meʼme me neiara naʼna wètuwaroʼmaʼpo ma. Amukonïmbo naʼna koromone amu roten wòkunamatopo tanokonïmbo, amukon roten teropa Opoto Papa mondo yeijï onamïʼchaʼpa tïweíʼmiainie mandon. Wòrupïatononme tïweijï uwapo te, paʼpororo naʼna juʼpïame Opoto Papa Karetarïʼwa òmepatoʼkon mengaʼmai. (Acts 17:11) Tïwòmepaʼmatoʼkonïmbo amïʼchai naʼna, ijombo te osekero naʼna Opoto Papa Jehobaʼwa tïweijï anumïi.

Opoto Papa Karetarï poko naʼna wòmeparï naʼna epatomano. Paʼporo amukon paʼme, mondopa naʼna pokonokon òtïkon ma, pioriʼchoʼma naʼna weʼchoʼkon eropa. Opoto Papa Karetarï tanokon wòmepatoʼkomba aʼkuru ke te ekemaʼpa kuriʼcha, juʼpïapa pore neroten naʼna emamïrï tïweiyepa ma. (Psalm 128:1, 2) Mororo hero òʼwin amu oʼtonoʼme watï Opoto Papa Karetarï ta tïwòmepaʼmatoʼkonïmbo ekandopo naʼnaʼwa.

Nusenokon Opoto Papa emerïkon paʼme naʼna kïnemainian. Ènïkon emerïkon, Charetarï weinio naʼna wòmepatoʼkon, naʼna epatomano juʼpïa naʼna emamïrï poko, nuse amukon enerï poko eropa naʼnaʼwa. Mionaʼma, enapiʼmia naʼna weijï poko naʼna emepano, juʼpïa amukon poko naʼna weijï poko eropa. Tïwonumïngakamonme, juʼpïa tomamïrïkon upuʼnamonme naʼna emepano, tomambore otasakame naʼna emamïrï poko eropa, juʼpïa tomerïkon ta wosenepotononme. ‹Amukonïmbo roten kapïn Opoto Papa apokurume yeijï› amïʼcharï ke naʼna, nono wararo iʼya wokunamatonon maro òʼwin otasaka paʼme naʼna ma. Tipiʼpio watonon kapïn oniyenonopïʼpapai naʼna ma, ijoseʼpa amu roten weʼchopo pono. Oronge rorïpïo paʼporopa pore kariʼniakon paʼme naʼna weijï, sheʼmeroro te uwaro naʼna paʼme weʼchonon otasakakon ma.​—Acts 4:13; 10:34, 35.

• Òtïkon ta Jehoba poko Wòrupïatonon amukon roten kariʼniakon paʼme nandon?

• Noʼkï emerïkon poko Jehoba poko Wòrupïatonon tïwòmepaʼmainie nandon Opoto Papa Karetarï weinio?