Ekanoʼko paʼme amu kariʼniaʼwa amukon arororï ichu ta choʼparo amu weíʼpioʼwa. Niemban neroten yaanda yeijïke, moʼkoro kariʼnia nasen uwapoinie kïnïsan, moro yaan saraʼcharï arowan, mïnepukon èkïrïposan eropa. Ijomboro juʼpïa èkïrïʼmaʼpo mero te, moʼkaron tïnarorïkon koʼmano tïwenaʼpota yoʼtoʼkonʼme. Jesas moro paʼme paʼme porero tïweiye ma. Nono kuʼpo naka yumïʼwa toneʼpo ma omano epoponen omaminiano poko yeʼchoʼme amukon wosepatomatoʼkonʼme. (Matthew 20:28) Erome, yekenanamon yeíʼmiaʼpombo paʼme roropa mandon, niemban neroten kïnemaminiaton ‹pioʼchorïkon eporï› poko. (Matthew 28:19, 20) Amukonïmbo tïaʼro moro wòrupïano omaminianoʼwa maroro kïnòtïatomba.

Ekemaʼpamboto roten wòrupïatonon moʼkaron. Paʼpororo Jehoba poko Wòrupïatonon moro juʼpïn ouranano ekariʼniamon moʼkaron. Amukonïmbo te, moro wòrupïano omaminianoʼwa kïnòtïatomba regular pioneer me, 70 hour ekemaʼpa nuno kïnèkïrïaton moro wòrupïano omaminiano ta. Moro paʼme tïweʼchoʼkonʼme apïmie moʼkaron watonon, asi roten kïnemaminiaton pïrata poko. Amukonïmbo te, special pioneer me tanumïʼmainie mandon uwa pore wòrupïatonon weíʼpioʼwa mioʼtoʼkonʼme, 130 hour ekemaʼpa nuno kïnèkïrïaton tïwòrupïarïkon ta, ijoseʼpa choʼpo. Moʼkaron ekemaʼpa wòrupïatonon niemban òtïkon ònupiʼpiapai mandon, Jehobaʼwa topatomarïkomba upusaton tinishanorïkon poko. (Matthew 6:31-33; 1 Timothy 6:6-8) Amukonïmbo te, auxillary pioneer me roten tïweijïkon èkïrïaton, tïwòrupïarïkon yungaton 30, ijoseʼpa 50 hour paʼme òʼwin nuno ta.

Tapokurume Opoto Papa maro kariʼniakon weijïke tïaʼro moro wòrupïano emaminʼwa kïnòtïatomba. Jesasʼwa amukon eneʼmaʼpombo paʼme roropa, erome apïmie neroten kariʼniakon Opoto Papa poko ònuputïʼpapai neroten yeijïkon kïseneaton. (Mark 6:34) Kïtaton te, Opoto Papa uputïrï poko kïsepatomatomba neiara tomamïrïkon upuʼtoʼme iʼyainie eromero mondopa yoʼpoʼtoʼkon nieporïkon weʼchoʼme. Tapokurume kariʼnia enerï ke amu tïaʼro wòrupïano emaminʼwa òtïrïʼpopa choʼpo tope kïneʼkuan amukon emepatoʼme moro juʼpïn ouranano uputïrï poko iʼyainie. (Matthew 22:39; 1 Thessalonians 2:8) Morokon paʼme yeijï ro yotamïʼcharï poriʼchomano noro Opoto Papa poko, juʼpïn nekatu pianarïme kïneian, choʼpo eropa towaʼporï epoan.​—Acts 20:35.

• Nei paʼme amu tïaʼro wòrupïano emaminʼwa òtïrïʼpopa na?

• Òtï tïaʼro wòrupïano emaminʼwa tïwòtïrïsepa amu ïpoan?