Jehoba poko Wòrupïatonon apïmie pane roten million Opoto Papa Karetarïkon èkïrïposaton ekemaʼpa siricho, kïnekainiaton eropa amukonʼwa onepemapoʼpame. Tïwoseʼnanoʼtopo èʼtïkon èkïrïposan naʼna, Jehoba poko Wòrupïatonon emaminjon enenamon emaminiatoʼkon èʼtïkon eropa, kinichuraʼmaposaton eropa naʼna tïkuraʼmase enerï yako. Apïmie thousand Bethel-kon po omaminiatonon maro moʼkaron moenokon weʼchoʼkonʼwa wòrupïa miokïʼmasan epatomaton naʼna pïrataʼmimbo ke nyishanorïkon epetïme. Opoto eiʼpiopïn weíʼpio kanome woʼchotaʼmatonon epatomaton eropa naʼna. Ijoke ambïako monumingaye, ‹Neiara pïrata epoaton ijomboro ènïkon poko tïweʼchoʼkonʼme?›

Neiara choʼsi tanokonʼwa tïnemaporï pïrata ïrï paʼme kapïn naʼna pïrata emapoan, osepemapoʼpapai naʼna ma, ijoseʼpa tïwoseʼnanoʼtoʼkon po pïrata onepekatïʼpapai naʼna amukon weinio ma. Naʼna wòrupïarï emamin wïtorï topene pane roten yeijï seʼme te, pïrata poko opekatïʼpapai naʼna amukon weinio ma. Erome otoneinia kariʼnia siricho koʼpo ma moro Watchtower karetarïʼwa ekarichïʼpombo Jehoba amïʼcharï naʼnaʼwa topatomanamome, moro eropa ‹asi kariʼnia onepekatïʼpapai naʼna weijï pïrata poko topatomatoʼme.› Amu onepekatïʼparo kombaijo taʼroro naʼna ma.​—Matthew 10:8.

Naʼna emamin epatomaton ïrïse tïweijïkon ta epeʼmame pïrata ïrïsangon. Apïmie amukon apokurume naʼna emamin ma Opoto Papa Karetarï poko naʼnaʼwa amukon emeparï, pïrata ïaton joke moroʼwanome. Jehoba poko Wòrupïatonon ro eropa tïweijïkon ta tïkuriʼchanorïkon aʼkuaton, tïporiʼchorïkon, tïpïratarïkon, òtïkon pore eropa Opoto Papa ishe yeʼchopo poko tïweʼchoʼkonʼme nono wararo. (1 Chronicles 29:9) Asiniokonïmbo maro opotonon yoseʼnanoʼtoʼkon po pïrata emapotoʼkon pakïsïkon ma moʼkaron emaposangonïmboʼwa amu emapotoʼme. Tïaʼropa pore moʼkaron pïrata emaponangon piïrataʼma pore weʼchonon moʼkaron, moʼko Jesas wòrupïatopombo iniongepïʼpombo weíʼpiombo paʼme, okoʼko kaʼpaʼmakonïmbo emaponenïmbo pïrata emapotopo taka. (Luke 21:1-4) Amumboro joke ekemaʼpamboto roten tïpo naka pïrata amu ïamba tïnïrïme ‹towanï ta tïwonumingaʼmaʼpo paʼmero.›​—1 Corinthians 16:2; 2 Corinthians 9:7.

Jehoba moʼkaron topenamon tïkïrïkon ke nuse tïrïsangonʼwa tïʼwa yopotomarï epatomanoʼporïpïa amïʼchanopa naʼna ishe tïweʼchopo weʼchoʼmepa.​—Proverbs 3:9.

• Òtï Jehoba poko Wòrupïatonon ïpoan amumepa moʼkaron amukon roten wokunamatopo tanokon weinio?

• Neiara morokon epeʼmame amukon nemapoʼmasan pïratakon aʼkuaton?