Penarone watï tïrombïrïpïa uwapo, tïpo tïweíshan po okopaiʼmieme tïpïoʼchorïkon maro Jesas tïwòrupïaʼma ma​—Pita, Jems, Jan, Anduru eropa. Morokon ijomboromenekon kuriʼchakon yako oneʼpa eropo tïweijïman upuʼpotopo poko touranarï yako, Jesas amu tuputïse pane roten weʼchoto òtï poko ero paʼme iʼyainie tïka ma: ‹Noʼkïne hero moʼko tamïʼchamïn tïwonumïngaken tapoyomamïn yopotorï niniondaʼpo amukon eropa tïnapoyomarïkon enenenme, ereparïkon ïtoʼme iʼyainie ïtopo yakoro?› (Matthew 24:3, 45; Mark 13:3, 4) Juʼpïmbono tonasen poko watï Jesas kïneuranano. Opoto Papaʼwa òmepatoʼkon ekarishan òrepanano paʼme. ‹Yopotorïkon› me joke, Jesas tïpïoʼchorïkonʼwa kïnupuʼpoan moro ijomboromenekon kuriʼchakon yako Opoto Papa poko tïwekenanamon emepanamon nondarï tïʼwa. Noʼkï joke mose ininiondaʼpo tapoyomamïn?

Asiʼcho roten kapuʼwanokonme Opoto Papa poriʼchorï nanumïʼmasan Krais wekenanamon moʼkaron. Moʼko ‹tapoyomamïn› hero moʼkaron Nono Wararo Jehoba poko Wòrupïatonon Wòrupïarï Emamin Enenamon. Tïsene aʼtanokon Jehoba weinio wòmepatoʼkon ïaton Iʼya wokunamatononʼwa. Mosero tamïʼchamïn tapoyomamïn poko kïtotamïʼchaton ororo kòreparïkon ïrï poko iʼyainie ïtopo yakoro.​—Luke 12:42.

Opoto Papaʼwanokon tamïʼchamïn enenamon moʼkaron. (1 Timothy 3:15) Jesasʼwa moʼko tapoyomamïnʼwa awoímbian neroten omaminiano tïye ma, nono kuʼponokon Jehoba poʼchorïkon emaminjon enenamome yeijïkon​—Jehoba emaminʼwa taʼkumïngon òtïkon enerï, neiara moro wòrupïano arorï ekarichïrï, kòmeparïkon eropa kïwoseʼnanoʼtoʼkon po. Ijokero, ishene kïaʼtainie kinishanorïkon ïtoʼme tïʼwainie, ‹moʼko tamïʼchamïn tïwonumingaken tapoyomamïn› Opoto Papaʼwa òmepatoʼkon ekaiaton tïwòrupïarï ta naʼna naʼkurukon karetakon pato, ourananokon ekarichïrï pato eropa asiniokonïmbo maro opotonon woseʼnanoʼnokon po.

Moʼko tapoyomamïn Opoto Papa Karetarïʼwa òmepatoʼkon poko tamïʼcharï taropa tïwotupuʼpo ma, oniʼpietakamaʼpapai kombaijo ma, moro eropa tomamin me ïrïʼpo juʼpïn ouranano ekarichïrï weinio oʼkaʼpapai ma. Tïwonumingake eropa paʼpororo morokon nono kuʼpo tïnenerïkonme Krais niniondaʼmaʼpo poko mandon. (Acts 10:42) Jehoba choʼpo neroten emaminjon epatomano ambore noro kariʼniakon emepaporïkon ke tïpïoʼchorïkon me, niemban eropa tïweinionokon wòmepatoʼkon ïpoan iʼyainie.​—Isaiah 60:22; 65:13.

• Noʼkï Jesasʼwa tïnonda yeíʼpio na tïyumïʼwa òmepatoʼkon ïnamonme tïpïoʼchorïkonʼwa?

• Òtïkon ta moʼko tapoyomamïn tamïʼchamïn me na, tïwonumingake eropa?