Apïmie amukon kïnekanosaton Jehoba poko Wòrupïatonon ichaʼpo amu eropa sherï wòkunamatopo ètïme yeijï. Morote, 2,700 siricho penaro yako moʼko òʼwin ipiorono Opoto Papaʼwa tïpïoʼchorïkon tïkoʼma ma tïpoko ‹wòrupïatonon› me. (Isaiah 43:10-12) Moro siricho 1931 taro roten naʼna tupusamonme neí Opoto Papa Karetarï poko Wòmepatonon me. Oʼtonoʼme katu ijombo naʼna noʼchoʼmai Jehoba poko Wòrupïatonon me?

Moʼko iʼya naʼna wòkunamatopo upuʼpoan naʼna ètï. Penaro yakonokonïmbo Opoto Papa Karetarï meroʼmasangonïmbo ta, ètï Jehoba ichainie 7,000 boto paʼme tïweiye ma. Apïmie amukon roten ouranano taka ïrïʼmaʼpopa Opoto Papa Karetarï ta te, ènïro ètï tïʼpetakamapa iʼyainie ma morokon choʼmatoʼkon ke Yopoto ijoseʼpa Opoto Papa. Sheʼme te, moʼko ipiorono Opoto Papa tïwotupuʼpo Musisiʼya ma Jehoba me, tïkarï ta iʼya: ‹Ero hero oronoman yètï.› (Exodus 3:15) Ènï paʼmero, amumepa tïwotupuʼpo yeíʼpio ma paʼpororo moʼkaron iʼchorïponokon amukon wòkunamatoʼkon weinio. Choʼpo naʼna juʼpïa kïnotapoan moro churipiïn neroten Opoto Papa ètï ta tïweijï ke.

Òtï naʼna emamin me yeijï ekarishan naʼna ètï. Penaro Jehoba amïʼchanenïmbo Eperï weiniomboro, apïmie amukon Jehoba ta tïwotamïʼcharïkon poko tïwòrupïaʼmainie mandon. Morokonïmbo weiniomboro Noa, Eprïham, Sera, Musisi, Tepiti eropa, moʼkaron ‹apïmie pane roten wòrupïatonon weíshan› eatongonme tïweíʼmiainie mandon. (Hebrews 11:4–12:1) Ijowane amu nïsa apoinien poʼponaka wòrupïatopoʼwa amu oʼto yaame eíʼpia weʼchoto ekataka touranatoʼme, ijo paʼme roropa naʼnaʼwa tïwònumingarï tòkïrïʼmaʼpopopa ma Opoto Papa poko ipioro upuʼpotoʼme tïʼwa amukonʼwa.

Jesas weíʼmiaʼpombo wekenano naʼna. Opoto Papa Karetarï kinichoʼmano ‹moʼko oʼkapïn, ipiorono wòrupïatoto› me. (Revelation 3:14) Osekero Jesasʼwa tokarishe yeíʼpiombo ma ‹Opoto Papa ètï upuʼpomapopombo› tïʼwa, ororo eropa ‹moro ipiorono poko tïwòrupïaʼmaʼpombo› Opoto Papa poko. (John 17:26; 18:37) Taʼronokon Krais wekenanamon joke, Jehoba ètï taro tïweísheinie mandon, upuʼpose eropa mandon amukonʼwa. Ero paʼmero tïweijïkon poko Jehoba poko Wòrupïatonon tope kïneʼkuaton.

• Oʼtonoʼme naʼnaʼwa tïʼpetakama tòtï weíʼpio na Jehoba poko Wòrupïatonon me?

• Noʼkï kuriʼchanorï weiniomboro Jehoba poko Wòrupïatonon mondo tïweiye nandon nono kuʼpo?

• Noʼkï moʼko ijomboro choʼponokon Jehoba poko Wòrupïatotome eíʼpiombo?