Opoto Papa Karetarï moʼkaron ‹onemamon maro epatongon› ekarishan wòmepa Jehoba poʼchorïkon woseʼnanopïʼpo po tonemïngon omaminianokon poko weʼchononme. (Philippians 1:1) Ekemaʼpamboto pore apïmie moʼkaron watonon wòmepa woseʼnanopïʼpo enenamonme mandon. Neiara te moʼkaron onenamon epatongon kopatomaton?

Onenamon epatomaton moʼkaron. Moʼkaron onenamon epatongon Opoto Papa maro poriʼpie osepaname mandon, tamïʼchamïngon moʼkaron, juʼpïa eropa tomaminjon poko mandon. Amukonïmbo koromonokon moʼkaron, amukonïmbo te tambarakon pore. Tïmonge woseʼnanopïʼpïo po tonesangomba omaminianokon poko mandon, ekemaʼpa tïpokonomasepa weʼchonon. Ènïro joke ambore moʼkaron onenamon enapoan moro emaminjon Opoto Papa poʼchorïkon emeparïkon maro apokumarïkon ta.

Wòmepa oseʼnanopïʼmasan epatomaton. Amukonïmbo moʼkaron onenamon epatongon nipiokonomarïkon me ma paʼpororo moʼkaron tïwoseʼnanopïrïkonʼwa woʼtononʼwa juʼpïa euranarïkon, andïʼmoporïkon eropa iʼyainie. Amukon roten te, morokon moʼwa ouranano ïpotoʼkon sipiararichon eneaton teropa, karetakon ekamïrï ta mandon, tomapomïngon pïratakon eneaton, owepan wòrupïano wïtorï ekarishaton eropa tïwatonon Jehoba poko Wòrupïatononʼwa. Opatomano ïaton eropa moro tïwoseʼnanoʼtoʼkon èʼtï tïkuraʼmase aʼta. Tambarame eíʼmiasan Jehoba poʼchorïkon epatomapoaton eropa ambïako iʼyainie moʼkaron onenamon. Òtïro tomaminjon me ïrïʼpo poko koí yeijïkon ke, juʼpïa tonerïkon epoaton paʼpororo tïwatonon Jehobaʼwanokonʼwa.​—1 Timothy 3:13.

Krais wekenanamon kariʼniakonme juʼpïn wòmepatopome mandon. Onenamon epatongonme tanumïrïkon epoaton Opoto Papa apokurukon omenanokon miaroinie yeijï ke. Opoto Papa ta kïwotamïʼcharïkon poriʼchomano kïwoseʼnanoʼtoʼkon po niïrïkon ourananokon. Panaʼpe yeijïkon ke moro wòrupïano emamin ta, kïtotapokumaton eropa mororo omaminiano ta. Koí moʼkaron onenamon amïʼchanamome yeijïkon ke, towaʼpore òʼwin otasaka paʼme kïpoaton. (Ephesians 4:16) Aijenasen pore, moʼkaronïmboro ambïako onenamonme eropa kïneiaton.

• Noʼkï watonon kariʼniakon moʼkaron onenamon epatongon?

• Neiara moʼkaron onenamon epatongon oseʼnanopïʼmasan Jehoba poʼchorïkon epatomaton juʼpïa yòmeparïkon wïtorï poko?