Oronge rorïpïo niemban ichume yeíʼpio ta kïtorïkon yako, ijoseʼpa konopome aʼta, ijoseʼpa niemban asimbie weyu aʼta, sheʼmero ekemaʼpa roten kïsaton tïwoseʼnanoʼtoʼkonʼwa wòmepa. Oʼtonoʼme Jehoba poko Wòrupïatonon tope òtïkon weijï seʼme rorïpïo tïpokoinie, ijoseʼpa tïruputasan seʼme òʼwin kuriʼcha tomaminiaʼmasan paʼpopo, sheʼmeroro nïsaton tïwatonon maro tïwoseʼnanoʼtoʼkonʼme?

Naʼna panaʼtomano moro. ‹Osekaro osenetoko,› tïka Paul ma, moʼkaron miaroinie kïweʼchoʼkon poko kïwoseʼnanoʼtoʼkon po. (Hebrews 10:24) Juʼpïa òtuputïʼmatoko, ichaʼpo moro. Euranïmbo joke kapokumaton tuwaro kïweijïkon poko kïwatonon poko. Tïwatonon maro tïwotuputïʼmarï patoro naʼna kïnuputïʼmano tuʼkutoʼkon watonon roropa patoʼmaʼpopa iʼyainie. Naʼna eropa joke yeinioinie kïnòmepanopa neiara tuʼkutoʼkon patorïpïa poko.

Juʼpïngon osepanakonme naʼna ïpoamba. Tïwoseʼnanoʼtoʼkon po juʼpïngon tïpïanarïkon maroinie naʼna kïnosepoan. Amukonïmbo yako juʼpïngon woiniambanokon ta eropa naʼna ma. Neiara ero paʼme naʼna weijï naʼna epatomano? Ambore kïnotuputïʼmano naʼna, ijokero ambore otapokume osekaro naʼna kïnemainian. Amumbo yakoro joke òtïkon piokoinie aʼta, koí naʼna kïnepatomaton juʼpïa tïwotuputïʼmaʼpo ke miaroinie. (Proverbs 17:17) Paʼpororo moʼkaron tïwoseʼnanoʼtopo tanokon maro tïwotuputïrï ke naʼna, juʼpïa osekaro naʼna kïnosenean.​—1 Corinthians 12:25, 26.

Naʼna oyapokumano moʼkaron Opoto Papa ishe yeʼchopo poko weʼchonon opanarïkonme apoijï poko oʼwa, moʼkaron Jehoba poko Wòrupïatonon. Òtïro oporoʼkane naʼna maro owosepopotïrï weinio naʼna woseʼnanoʼtopo po.

• Oʼtonoʼme osekaro kïwosepopotïrïkon juʼpïapa kïʼwainie na?

• Neiako paʼme owotapoíshe ma naʼna woseʼnanoʼtopo tanokon Jehoba poko Wòrupïatonon uputïʼmarïkon poko?