Jehoba poko Wòrupïatonon woseʼnanotoʼkon èʼtïkon po Opoto Papaʼwa yopotomarï pokone wòrupïanokon kïnïsan. Opoto Papa karetarïʼwa òmepatopo moro, Jesas wòrupïaʼmatopombo nero eropa.​—Luke 8:1.

Ipiorono wokunamano èʼtïkon morokon. Morokon weiniomboro moro Yopotomarï poko juʼpïn ouranano ekarichïrï kïnïsan. (Matthew 24:14) Amukon meʼme morokon Woseʼnanoʼtoʼkon èʼtïkon yaʼmungon ma, neiara èkïrïʼmasan eropa. Paʼpororo te, kurangonme èkïrïʼmasan ma. Apïmie moropangon woseʼnanoʼtoʼkon ta amukon meʼme tïmongeme kïnoseʼnanoʼposaton tïwòmepatoʼkonʼme Opoto Papa Karetarï poko. Penarone watï epatoʼmasan sirichokonïmbo ta, apïmie thousand sherïnon woseʼnanoʼtoʼkon èʼtïkon èkïrïʼmai naʼna (otoneinia paʼme ekemaʼpa kuriʼcha) apïmie noro woseʼnanoʼtonon wotapïimiangarïkon ke. Òtï naʼna epatomano ènïkon woseʼnanoʼtoʼkon èʼtïkon èkïrïrï poko?​—Matthew 19:26.

Morokonʼwanome ïrïʼmaʼpo pïrata ke kïnamïaton. Ènïkon emapoʼmaʼpo pïrata mosaton ro te tïweʼchopo tanokon Jehoba poko Wòrupïatonon emaminjon enenamonʼwa amu aʼkupotoʼme moʼkaron tïwoseʼnanoʼtoʼkon èkïrïnamonʼwa ijoseʼpa churaʼmasangonʼwa.

Amukon meʼme omaminiatonon topemarïkon poko watï kïnèkïrïaton. Apïmie weʼchoʼkon ta Woseʼnanoʼtoʼkon Èʼtïkon Èkïrïnamon aembo tïrïʼmainie mandon. Moan ro èkïrïnamon tïweíshe tïweijïkon ta tïwoseʼnanoʼtoʼkon èʼtïkon se weʼchonon epatoma kïnïsaton, moenokon weʼchoʼkonʼwa maroro kïnïsaton. Amukon roten weʼchoʼkon ta te, onenamon amu tanuinie yeíshan ma Woseʼnanoʼtoʼkon èkïrïrïkon maro churaʼmarïkon enetoʼme tïnenerïkonme ïrïʼpo weʼchopo ta. Oronge rorïpïo juʼpïa amukon meʼme omaminianokon poko upuʼnamon èkïrïrï po mandon, morote tïaʼropa pore tïweʼchopo ponokon ro kïnepatomaton èkïrïrï poko epeʼmame. Jehoba poriʼchorï ènïkon ïpoan, tïweíshe tïweijïkon ta pioʼchorïkon wèʼkuru eropa.​—Psalm 127:1; Colossians 3:23.

• Òtïne naʼna Woseʼnanoʼtoʼkon po naʼna wòrupïatopome na?

• Òtï nono wararo naʼna Woseʼnanoʼtopo èʼtïkon èkïrïrï ïpoan?