Womepatopo 7
Neiara Opoto Papa kïyopotomataʼton?
1. Neiara Opoto Papa kïyopotomataʼton?
Neiara yeijï poko Jesas amu juʼpïn pane ròten yopotome na?—MARK 1:40-42.
Jehobaʼwa Tïmuru Jesas Krais yopotome tïye ma, kapu weiniomboro iʼya yopotomatòʼme.—Èrupïako Revelation 11:15.
Ijomboro nono kuʼponokon yopotonon ʼpetakanme, Opoto Papa Jesasʼwa tïaroro nono yopotomapoan. Ero ro te, Opoto Papa ishe yèʼchopo ïpoamba kapu ta, nono kuʼpo eropa. Mosero, yopotome Opoto Papa nïrïʼpïo, ijomboro kariʼnia nishanòrï epopoamba iʼyainie, òʼwin otasaka paʼme eropa ijomboro kariʼnia ïpoamba. Kurangon pane ròten ourananokon kapïn ro erokon?—Èrupïako Daniel 2:44; Matthew 6:9, 10; 24:14.
Eneko moro piʼchaʼme Otï Opoto Papaʼwa yopotomarï?
2. Neiara yeijï poko Jesas amu juʼpïn pane ròten yopotome na?
Opoto Papa Muru juʼpïn pane ròten yopotome ma juʼpïa amukon poko wèʼchoto kombaijo moʼko, choʼpo eropa apokurume òtïkon juʼpïngon ma. (Matthew 11:28-30) Pòriʼpie neròten eropa ma kariʼniakon epatomatòʼme tïʼwa, kapu weiniomboro kombaijo tïaʼroro nono yopotomano. Tïrombïʼpïo awongaʼpopa weiniombo kapu taka tïtopa ma, ijombote Jehoba yaʼpòrï weinio tïwotandïʼmo ma yopotome iʼya tïrï momoʼtòʼme. (Hebrews 10:12, 13) Kòí yatï te, Opoto Papaʼwa yopotome ro tïye ma.—Èrupïako Daniel 7:13, 14.
3. Nòʼkan eropa yopotononme nandon Jesas maro?
‹Moʼkaron churiʼnion› me Opoto Papa Karetarï nichoʼmarïkon yopotononme mandon Jesas maro kapu ta. (Daniel 7:27) Koromonene churiʼnion me anumïʼmasan me tïweiye mandon moʼkaron oʼkaʼnon wòrupïa Jesas nimiokïʼmasangonïmbo piòʼchòrïkon. Erombo ponaroro, Jehoba oʼkaʼnon kariʼniakon maro worïiangon anuian churiʼnion me. Jesas awongaʼpombo paʼme roropa, ònèpïngonme Jehoba kïnawongaton jombïʼmasan weinio.—Èrupïako John 14:1-3; 1 Corinthians 15:42-44.
Oʼtoro amukon nïsaton kapuʼwa? ‹Asiʼcho wèʼchonon kaparakon› me Jesas kïneyatoaton. (Luke 12:32) Kòí yatï tïaʼro yèíshan kïneian 144,000. Jesas maro moro nono yopotomaton.—Èrupïako Revelation 14:1.
4. Òtï tïweiye na yopotome tïweijï poko Jesas wotapòíʼpiomboto?
Opoto Papaʼwa yopotomarï tïwotapoiye yopotomarï poko ma 1914 yako. * Yopotome tïweijïmboro Jesasʼwa Setan maro moʼkaron miaronokon yoroʼkangonïmbo tomaʼmainiepa iʼya ma nono kuʼpo naka. Choʼpo neròten Setan tïwòreʼkopa ma, ijombo eiʼpiopïngon neròten òtïkon ïpòrï poko nono wararo tïwotapoiye ma. (Revelation 12:7-10, 12) Moro weiniomboro choʼpo neròten kariʼnia pokonokon òtïkon tïweiyepa ma. Woónokon, òmichon, anïkïkon, tïrïrïngon eropa niemban neròten erome ma. Erokon ro asi ròten upuʼpotopo morokon Opoto Papaʼwa yopotomarïʼwa shèrïmero tïaʼroro nono yopotomarïpïa.—Èrupïako Luke 21:7, 10, 11, 31.
5. Òtïkon ïpoʼmapoamba Opoto Papaʼwa yopotomarï?
Eromero Opoto Papa tïpïòʼchòrïkonʼwa tïʼwa yopotomarï ekariʼpioan amukonʼwa nono wararo. Ero ro te, apïimie kariʼniakon ïpoan òʼwin otasaka paʼme. Apïimie pane ròten tòmeparïkon paʼme wèʼchonon Jesas niyopotomarïkon man me kïneiaton. Opoto Papaʼwa yopotomarï tanokon yopotonon kïnepatomatomba ènï yaan neròten wèʼchopo emèrïkonïmbo aʼmorokarïpïa mero tïʼwainie. Ijòkero, Opoto Papaʼwa yopotomarï weinio tïwòsepatomasangomba eromero tïwòmepaseiniepa mandon Jesas amïʼchanamon piòʼchòrïkonme tïweijïkon poko.—Èrupïako Revelation 7:9, 14, 16, 17.
Moro 1,000 siricho taroro, Jesas maro moʼkaron miaro yopotomanamon koromone kariʼniaʼwanome Opoto Papa ishe yèʼchopombo ïpoatomba. Tïaʼroro nono poʼcho neròten wèʼchopo me kïneiamba. Moro 1,000 siricho paʼpopo te, Jesas Tïyumïʼwa eropa moro yopotomarï ïamba. (1 Corinthians 15:24-26) Nòʼkïʼwa Opoto Papaʼwa yopotomarï poko ekarichïsepa ma?—Èrupïako Psalm 37:10, 11, 29.
^ par. 6 Juʼpïane upuʼtòʼme neiara Opoto Papa Karetarïʼwa uwapororo ekarichïʼpombo moro siricho 1914 poko, eneko chararïkon 215-218 taro moro kareta ta What Does the Bible Really Teach?
