‹Kapu tano Opoto Papa tïʼwa yopotomarï amu nondano imierome utaʼpïn.›​—Daniel 2:44, New World Translation.

‹Amu mïmunano ïrïi kïʼwainie, moʼko motarï kuʼpo eropa moro yopotomarï ïan.›​—Isaiah 9:6.

• Amu juʼpïn kapu weiniombo yopotomarï owemamïrï kuramanopa.​—Isaiah 48:17, 18.

• Moro woʼtotoman sherï weʼchopo ta, anïkïʼmaro owemainia, towaʼpòre eropa.​—Revelation 21:3, 4.

Ëʼhë, aeroro oko òtïkon poko:

• Jesas ʼwa tokarichïʼma ma òtï epoporïman Opoto Papaʼwa yopotomarï ʼwa. Tïwekenanamon tomepaʼma Jesas ʼwa ma yopekatïrïkon poko Opoto Papaʼwa yopotomarï woʼtoʼme, ishe yeʼchopo weʼchoʼmepa eropa nono kuʼpo. (Matthew 6:9, 10) Neiara tïyumïʼwa mororo yopekatïrïkon eyukurupïa tonepoʼmapo Jesasʼwa ma.

  Nono kuʼpo tïwèíʼpiomboto, Jesasʼwa kumïtonon kariʼniakon topaʼma ma, tanïʼkamon tïkuraʼmaʼma iʼya ma, amukonïmbo jombïʼmasan eropa tawongaʼma iʼya ma! (Matthew 15:29-38; John 11:38-44) Opoto Papaʼwa Yopotomarï ta yopotoman mè, Jesasʼwa asi enepoʼpo moro Opoto Papaʼwa yopotomarï mero juʼpïa pane ròten kariʼnia emamïrïman.​—Revelation 11:15.

• Neiara yaame pane ròten òtïkon weijï ènï nono kuʼpo kïnupuʼpoamba penaro nè watï Opoto Papaʼwa Yopotomarï wopïrïpïa. Jesasʼwa tokarishe yèíʼpiomboman moro Yopotomarïʼwa tomambore weinio ïporï uwapo nono kuʼpo, niemban neròten woónokon weijïman, òmichon, tïrïrïngon eropa.​—Matthew 24:3, 7.

  Morokon rò kïseneyaton eromero. Ijokon ke rò kïsupusatomba sherïmero Opoto Papaʼwa Yopotomarïʼwa ijomboro kariʼnia emamïrï anïʼmanamonïmbo poroʼkarïpïa iʼya.