«Towaʼpore moʼkaron Opoto Papa euran etanamon mandon, amïʼchanamon eropa.»​—Luke 11:28, New World Translation.

Otapokume owosenerïkon poko.​—Ephesians 5:28, 29.

Juʼpïa osepoko oweijïkon poko.​—Ephesians 5:33.

Otïʼwa oʼpyokonomapoʼpa oweijïkon poko eropa.​—Mark 10:6-9.

Eʼhe, aéroro oko otïkon poko:

• Opoto Papa hero otasakame weinyo apoiʼpyonenïmbo. Charetarï kïnekarishan «paʼporo kariʼnya toʼtï tanokon maro . . . totïkon poko kïnosependomaton» Opoto Papa Jehoba ʼwa. (Ephesians 3:14, 15) Moro ichaʼpo moro, toʼtï tanokon maro kariʼnya emamïrï mondo man Jehoba ʼwa mondo ïpoʼpo ke. Oʼtonoʼme juʼpïapa moro uputïrï nan?

  Onumingako tïre enï poko: Oʼtoropa hero amu tïkatonoren tonasen menasa, ijombote uputïse ma otï iʼcheijïkon me ïrïʼmaʼpo. Noʼkï ʼwa moturupoan? Moʼko iʼmyoʼkanenïmbo ʼwa, taʼro wane?

  Pyaʼme roropa, otï ʼwa towaʼpore oʼto tanokon ïporï upuʼtoʼme kïwoʼpotïseinye kïtaton Jehoba ʼwa, moʼko otasakakon apoiʼpyonenïmbo.​—Genesis 2:18-24.

• Opoto Papa tuwaro opoko man. Oʼwín oʼto tanokon me tïwonumingake tïweijïkon enepoaton Jehoba ʼwa tïwoʼpotïrïkon yako iʼya oʼmatoʼkon poko, moro Tïkaretarï ta nyekariʼchïrï. Oʼtonoʼme? «Moro kombaijo tuwaro opoko man.» (1 Peter 5:6, 7) Jehoba juʼpïnïmbone se oʼwanome man​—iʼya oʼmatoʼkon eropa ekemaʼpamboto roten opatomatopa man!​—Proverbs 3:5, 6; Isaiah 48:17, 18.