Womepatopo 01
Neiara Opoto Papa Karetarï owepatomanopa?
Ijomboro pore neroten kïtaton mondopa kïwoturupotoʼkon omano poko ma, oʼtonoʼme woʼchotaʼmano weijï poko, romoʼno poko, otï kuwaponokome yeijï poko eropa. Ekemaha pore neroten eropa kïtonumingaton neiara pïrata eporï poko, neiara towaʼpore otasakame koʼtï tanokon maro komamïrïkon poko. Apïimie amukonʼwa tupuse ma omano poko tïwoturupotoʼkon eyukurupïa Opoto Papa Karetarïʼwa, tomeparïkon maroro iʼya neiara tomamïrïkon poko. Koʼye wane Opoto Papa Karetarï amumboro epatomanopa?
1. Otï amukonïmbo woturupotoʼkon Opoto Papa Karetarï neyukurupïa?
Enïkon tuputïsangon neroten woturupotoʼkon eyusan Opoto Papa Karetarï: Neiara omano tïwotapoiye na? Oʼtonoʼme eropo kïtaton? Oʼtonoʼme oʼto watï tïweijïkon seʼme amukon noʼchotaʼmaton? Neiara amu tïrombïhotopa na? Oʼtonoʼme ijomboro tomambore tomamïseinie tïweijïkon seʼme kariʼnia, niemban neroten sheʼme noʼowaton? Neiara ero nono neiyamba aije nasen pore? Enïkon eyuʼtoʼkon upijï poko kapokumaton Opoto Papa Karetarï, oʼwin yatï eropa kariʼniakonʼwa eyuʼtoʼkon topoyepa ma.
2. Neiara Opoto Papa Karetarï kopatomatomba ekemaha roten towaʼpore komamïrïkon poko?
Opoto Papa Karetarï juha omepano ïan. Ijo wane, neiara towaʼpore otasakakon emamïrïkomba poko kïnemepaton, neiara yaʼame neroten apoponoʼponamo aʼta oʼto weinio poko, neiara eropa towaʼpore kïwotaporïkomba komaminiarïkon yako. Oʼto erokon poko Opoto Papa Karetarï wïkarï poko momepayepa, ambore nekatu eropa owemepanen maro owomeparï mero pioko. Koʼye neroten ijombo mamïʼchayepa ‹paʼpororo Opoto Papa Karetarï tanokon opatomatopa yeijï.›—2 Timothy 3:16.
Enï karetaʼme Opoto Papa Karetarïʼpetakan kapïn moro. Oyapokumano te osekeroro oʼto icharï mengarï poko oʼwa. Ijokero oyapokumano naʼna moro owomepatopo ta weʼchonon nierupïaporïkon erupïarï poko oʼwa, owomepatopo paʼme yeijï enetoʼme oʼwa.
Koroʼna nekatu osaʼmichako
Eneko neiara Opoto Papa Karetarïʼwa amukon epatomaʼmaho, neiara oyapokurume erupïarï weijïpïa, oʼtonoʼme eropa juhapa oʼto icharï uputïrï poko oyepatomarï eporï oʼwa.
3. Opoto Papa Karetarï karonamome kïneiyamba
Opoto Papa Karetarï amu taweiʼpioren paneroten kororeta paʼme ma. Kopatomatomba juhïngon oʼto kïweijïkon anumïrï poko kïʼwainie, otï weijïpïa uputïrï poko eropa koroʼpo.
Erupïako Psalm 119:105, ijombote enïkon woturupotoʼkon eyuʼko:
-
Otï paʼme enï psalm meronenïmboʼwa Opoto Papa Karetarï tone na?
-
Otï paʼme Opoto Papa Karetarï oʼwa na?
4. Opoto Papa Karetarï kïwoturupotoʼkon eyusamba
Oʼwin amu worïiʼya tupuse ma sirichokonïmbo poko tïpokonokon paneroten tïwoturupotoʼkon eyukurupïa Opoto Papa Karetarïʼwa. Eneko moro Piʼcha, ijombote enïkon woturupotoʼkon poko orupïatoko.
-
Moro piʼchaʼme ta, otïkon moʼko worïi woturupotoʼkonʼme tïweiye na?
-
Neiara Opoto Papa Karetarï poko yomeparïʼwa topatoma na?
Opoto Papa Karetarï kapokumaton uputïse kïʼweʼchoʼkon poko kïwoturuporïkon poko. Erupïako Matthew 7:7, ijombote enï poko orupïatoko:
-
Otïkon owoturupotoʼkon omaro na koʼye neroten Opoto Papa Karetarï neyukurupïa?
5. Oyapukurumepa Opoto Papa Karetarï erupïarï kïneiyamba
Apïimie amukon apokurumepa Opoto Papa Karetarï erupïarï ma, topatomarïkomba eneyaton eropa iʼya. Eneko moro Piʼcha, ijombote enïkon woturupotoʼkon poko orupïatoko.
-
Moro piʼchaʼme ta, neiara tïaʼropa pore moʼkaron koromonokon tïwoserupïarïkon poko kïnotaposen?
-
Oʼtonoʼme katu erome amumepa yotaporïkon tïweiye na Opoto Papa Karetarï erupïarï poko?
Opoto Papa Karetarï juha kapoponoʼponamo poko komeparïkon ekarishan, kïwohotoʼkon ïan eropa. Erupïako Romans 15:4, ijombote enï woturupotopo poko orupïatoko:
-
Opoto Papa Karetarïʼwa juha apoponoʼpono ïrï, wohoʼtopo ïrï eropa oyapokurumepa na?
6. Amukon roten eropa kopatomatomba oʼto Opoto Papa Karetarï wïkarï upuʼtoʼme
Oseke tïʼwainie Opoto Papa Karetarï erupïarï kuhonaka, apïimie amukonʼwa ambore tïʼwainie uputïrï tupuse ma upuʼnamoʼwa topatomarïkon yako. Erupïako Acts 8:26-31, ijombote enï woturupotopo poko orupïatoko:
-
Neiara oʼto Opoto Papa Karetarï wïkarï kïsupusatomba?—Eneko verse 30 maro 31.
Moʼko Ethiopia pono kariʼnia topatomase tïweiye ma oʼtone Opoto Papa Karetarï wïkarï uputïrï poko tïʼwa. Apïimie amukonʼwa tupuse ma upuʼnamo maro Opoto Papa Karetarï poko tïwomeparïkon yako ambore uputïrï tïʼwainie
Amukonïmbo ïngaton: «Oronge roten Opoto Papa Karetarï poko womepano ma.»
-
Oʼto moroʼwa mïkano amoro? Oʼtonoʼme moro paʼme mïkano?
Saniʼmieme enï womepatopo ekarichïrï
Opoto Papa Karetarï neiara ekemaha omamïse weinio poko omepato ma, tuputïsangon woturupotoʼkon eyusan, juha apoponoʼpono maro wohoʼtopo ïan eropa kariʼniakonʼwa.
Jamarïme
-
Otïkon poko omepanokon kïsepoaton Opoto Papa Karetarï ta?
-
Otïkon amukonïmbo woturupotoʼkon Opoto Papa Karetarï neyukurukon?
-
Otï uputïse Opoto Papa Karetarï weinio ma?
Ambore pioko upuʼko
Eneko neiara Opoto Papa Karetarï wotaʼkurupïa erombo ponaroro.
“Bible Teachings—Timeless Wisdom” (The Watchtower No. 1 2018)
Eneko neiara Opoto Papa Karetarïʼwa amu ruʼme etuwaroʼmahombo kariʼnia epatomahopa towaʼpore emamïrï poko.
Eneko neiara Opoto Papa Karetarïʼwa otasakakon emeparï juha emamïrïkon poko.
Ambore upuʼko neiara Opoto Papa Karetarïʼwa ipioro ekarichïrï noʼkïʼwane rorïpo moro weʼchopo yopotomarï.
Oʼtonoʼme Opoto Papa Karetarï poko owomepasepa ma?—Misipiïn (3:14)
